Minister demisionario Armando Rudy Lampe tabata ayera mainta na gobernador y tambe a presenta na VNO pa asina hiba un copia di e carta na e representante di gobierno Hulandes di loke e la presenta na gobernador di Aruba.
Segun Lampe tin un dicho cu hopi di nos Arubiano nan ta gusta ‘’ Duna respet pa bo haya respet ‘’ cu esaki e mandatario ta duna di conoce cu loke cu e dicho ta bisa ta netamente loke e mandatarionan den gobierno falta den e ultimo dianan.
Segun Lampe si mester cuminsa analisa e resultado di eleccion dia 25 di juni ultimo, e standard cu ta keda uza internacionalmente pa evalua un eleccion ta cu e partido den gobierno dus cu ta e partido gobernante a gana eleccion of perde e eleccion ?. Partido den oposicion a gana of perde eleccion ?.
E partidonan den gobierno dia 25 di juni a perde eleccion incluyendo mi mes un partido, segun Minister Lampe. Tur tres partido cu ta forma parti di e coalicion ta bay atras den voto y loke cu tabata hopi cla cu ta e partidonan cu a hiba oposicion nan a bay dilanti y esey kiermen cu nan a bay dilanti.
Minister Rudy Lampe ta kere cu e ta un falta di respet pa e boluntad popular cu partido MEP ta hiba un parada di victoria mientras cu nan a perde. segun Lampe nan a bay atras den voto y siendo como partido gobernante nos tin cu reconoce e realidad nos a perde e eleccion.
Normalmente na otro paisnan di mundo esun cu gana e eleccion ta forma e gobierno y lamentablemente aki na Aruba esey no ta e caso unda cu e desaroyonan aki no ta un refleho di loke cu e tuma luga dia 25 di juni.
Segun Minister Lampe e falta di respet aki ta continua den e dianan aki, cu nos minister president ta loke cu mi persona a menciona na gobernador y tambe na representante di gobierno di Hulanda na Aruba unda cu mi a duna di conoce cu gobierno a comete abuso di poder .
Segun Minister Lampe su persona como minister di educacion a tuma y como minister demisionario mi tin e autoridad pa hende lopendezaken y pa prepara pa e aña escolar nobo, simplemente minister president contra reglanan ta tuma un decision di Minister Raad cu no ta refleha union den gobierno debi cu e regla basico ta cu un gobierno ta uno y un ministerraad no tin autoridad pa kita un autoridad di un minister debi cu cada minister ta para personalmente responsabel pa su cartera.
Segun Minister lampe pa tuma e decision pa para e plantacion di mudamento di parti di scol beatrix, proyectonan cu mester a keda ehecuta unda cu ya caba a keda ehecuta na playa y cu mester keda ehecuta na San Nicolas ta dies paranan.
Minister Lampe ta duna di conoce cu su persona como minister responsabel ta duna tur cooperacion pa ehecuta e decisionnan aki debi cu no por tin un gobierno separa y ta pa e mes un motibo aki a respeta e decisionnan y a ehecuta e decisionnan aki. Segun Lampe na momento cu mester mira dicon a tuma e tipo di decisionnan aki e ta contra di e afspraak nan cu tin cu Hulanda pa loke ta e landenpakket.
Minister Lampe ta duna di conoce cu partido RED democratico ta un partido serio y responsabel y ta cumpli cu nos palabra y a bay diacuerdo cu e landenpakket unda cu mester a bay diacuerdo cu e condicionnan cu Hulanda pa asina Aruba haya e ayudo di Hulanda.
Den e parti di enseñansa un di e condicionnan tabata cu mester bin un miho doorstroming den nos sistema di enseñansa y ta pe motibo aki mes for di aña pasa na momento cu a yega na e acuerdo aki y a acepta esaki unda cu mesora a cuminsa ehecuta.
Sinembargo un di e problemanan di doorstroming ta cu esunnan cu caba MAVO tin un gap na momento cu nan yega HAVO y nan no ta alcansa esaki hopi biaha y na momento cu nan bay EPI tampoco nan no ta alcansa esaki.
Pa e motibo aki mes a cuminsa na prepara pa e team di aansluiting unda cu ta cumpli cu e landenpakket. Segun Minister Lampe un minister president cu a firma y acepta e landenpaket pero cu tog lamentablemente prome minister ta actua contra di loke ta para den e landenpakket.
Segun Lampe e la bisa representante di Reino Hulandes cu e situacion aki ta un falta di respet pa e pagado di belasting di Hulanda mirando cu e placa cu nos a ricibi bao di tur e condicionnan aki ta bini for di Hulanda y minister president no ta cumpliendo cu ne.
Lo no tin suficiente alumno na nos MAVO scholen y esey ta un otro problematica cu mester keda resolvi y ta pa e motibo aki mes tin ta papia riba fusering di scolnan mirando e desaroyonan cu ta biniendo y cu por spera cu nos MAVO scholen ta bira mas chikito y ta bira indispensabel.
Na e momentonan aki pa bo tin un MAVO diploma ta un eindstation pa e hoben y cu un MAVO diploma no por haci hopi cos den bida e hoben lo mester sigui un profesion pa asina e sigui crece den esaki.
Segun minister Lampe na momento cu mester mira loke cu a palabra pa tin y pa baha gasto den gobierno y di personal ta hopi dificil pa haya cooperacion pa cumpli cu loke Aruba a acorda cu Hulanda sin cu ta afecta e calidad di educacion na Aruba.
No ta un secreto cu SKOA a aumenta gastonan di gobierno contra ley y tog no ta haya e suficiente cooperacion. Minister Lampe ta duna di conoce cu ya caba e la haya informacion for di Corsou unda cu a avisa cu e next minister lo bay trek in e denuncia cu a keda haci contra di SKOA.
Segun Minister Lampe esaki nan ta señalnan hopi preocupante cu realmente no ta cumpliendo loke cu a acorda cu Hulanda. Pesey mes a yega na gobernador y tambe representante di Reino unda cu tabata bon cla cu si no tabatin boluntad politico cu ta e reformanan den enseñansa e ora ey den e periodo cu identidad COHO ta existi, temporalmente haci enseñansa un asunto di reino pa e periodo limita aki na unda cu e identidad di COHO tin tur autoridad pa por ehecuta e reformanan cu ta necesario y cu ta na beneficio di nos futuro generacionnan aki na Aruba.
