Minister Dangui Oduber: Sports tourism ta parti di e plan y strategia cu gobierno y A.T.A ta kere den dje

Turismo ta nos unico pilar economico y ta focus hopi riba esaki pa trece calidad di turista na Aruba. sinembargo tambe tin un desaroyo pa diversifica e tipo di turismo cu solamente esunnan cu ta bin di vakantie, pero tambe por enfoca porehempel riba turismo medico y turismo deportivo. 

Minister Dangui Oduber ta duna di conoce cu Sports tourism ta parti di e plan y strategia cu gobierno y  A.T.A ta kere den dje y e ta un maneho cu ta hibando di ministerio di turismo y tambe A.T.A. 

Esaki a keda demostra caba unda cu A.T.A ta e main sponser di e evento internacional di beach tennis caminda mas di 1000 participante di afo ta bin participa na Aruba pa hunga beach tennis, tambe A.T.A ta sponser e KLM marathon cu aña pa aña ta creciendo. 

Tambe hunto cu minister di deporte a presenta un concepto nobo  cu ta un pakete cu A.T.A ta trahando riba dje na e momentonan aki pa asina Aruba por contribui den mas eventonan internacional deportivo cu ta trece un otro tipo di turista, principalmente den temporadanan cu no ta high season cu ta den luna nan di augustus,september y october pa mira si durante e temporadanan ey  por organisa diferente eventonan cu sponsership relativamente abao pa asina por haya e return on invest cu ta buscando den e calidad di turistanan cu lo por bin Aruba pa participa den e diferente actividadnan di deporte cu ta considerando na e momentonan aki.