Awe minister Schouten i su delegashon a bishitá Sentro Akseso kaminda e la haña un splikashon tokante kiko e organisashon ta hasi. Di e trahadónan sosial e minister por a tende kua ta e retonan ku nan ta konfrontá diariamente. Despues di esaki minister Schouten i diputado Den Heyer a pasa na algun kas di famia pa asina e minister mes por mira i papia ku e habitantenan tokante nan situashon. A klousurá e mainta ku un bishita na Magazina di Rei kaminda e minister a haña un presentashon di vishon di e organisashon i e trabounan ku e organisashon ta hasi. Akí Minister Schouten a haña chèns di purba un tiki kadushi i balia simadan.
