ORANJESTAD, Aruba
Durante dia ayera por a tuma nota cu e trahadornan di GNC a pone trabou para pa vocivera nan mal contento cu e situacion bou di cual nan ta trahando. E trahadornan a menciona cu nan tin lunas den dialogo cu oficina di Minister y canando tur e tramitenan correcto pa cu esaki pero tog no ta haya niun forma accion pa locual ta e puntonan cu nan a trese dilanti. Pa esaki nan a pone trabou para ayera y a demanda pa Minister Bikker mes bin atende cu nan na GNC Dakota y papia riba e punto nan cu tin nan precupa.
Na final di dia Minister Bikker a presenta na GNC Dakota y a atende cu no solamente e trahadornan di GNC Dakota pero tambe sindicatonan y otro partidonan conserni. Minister Bikker a splica cu e tabata un reunion productivo unda cu a papia riba cada topico cu e causa e situacion actual. Minister Bikker a splica cu no por descarta cu e situacion cu frontera di Venezuela ta sera a hunga un rol grandi riba e situacion actual. E mandatario a splica cu normal ora ta detene un persona cu un estado illegal ta dura maximo un par di siman prome cu e persona aki wordo deporta y den un par di caso asta dias. Pero tur esaki a wordo stanka na momento cu frontera cu Venezuela a sera. Durante e lunasnan aki Minister hunto cu su staff tabata den dialogo constantemente cu diplomaticonan di Venezuela y dui Hulanda pa por haya un solucion concreto pa locual ta e illegalnan cu ya tin lunas nan mara na Aruba den espera pa por regresa nan pais. A bin un diferente solucion pa suavesa e presion cu e situacion di demasiado illegal sera abin cune. Un par di e solucionnan tabata pa bin cu un “Openbare Toetsing” pa asina por midi e gravedad di cada situacion di cada illegal y pa wak esnan cu por a cana den e proceso di ASYLUM pero asta esaki lamentabelmente a wordo abusa y na final tampoco no a logra. Asina a purba varios otro manera pa suavesa e situacion y tambe pa bin cu solucionnan concreto. Minister Bikker a bisa cu e sa cu situacion no ta uno fasil y cu esaki a pone hopi precion y stress riba cada departamento conserni pe e motibo aki tambe kier duna palabra di agredecimento na KPA, CEA y miembronan di GNC pa tur nan trabou duro incansable cu nan a hasi den e temponan aki. E mandatario a sigui splica cu recientemente a bin ta hasta sinta na mesa cu Trinidad & Tobago pa cu solucionan maritimo pa por hiba e illegalnan sera bek nan pais.
