Directora di Biblioteca Nacional do Aruba, Sra. Astrid Britten a entrega e buki artistico MATERNIDAD di un escritora di Rancho, na ‘Susanita la bella’ di Aruba Experience pa hende por mira den e futuro Mini-Museo di Rancho, cu celebrando 200 aña di Oranjestad lo habri DIA DI BETICO. Pintura di Betico cu Gustave Nouel-Croes a pinta, combina cu celebracion di 200 aña di Oranjestad, lo ta un homenaje na Betico!!
December 2023, e buki MATERNIDAD a ser entrega tambe na CEO di KIT(Koninklijk Instituut voor de Tropen), na Wereldmuseum di Amsterdam (ex-Tropenmuseum), caminda e buki den e 4 lenga mas papia na Aruba, di un escritora di Rancho, a ser poni na entrada di e EXPO MATERNIDAD. Promocionando nos Papiamento (revisa pa Ramon Todd Dandaré) Cu apoyo di ATA, e buki MATERNIDAD lo ser presenta na Aruba na Mei 2024, DIA DI MAMA, na Biblioteca Nacional di Aruba (BNA).
Despues lo tin presentacion di MATERNIDAD den Museo Terramar di Bonaire y tambe na Sint Maarten. CCC ( Centro Cultural Curaçao) a mustra interes, pero ainda esaki no ta concreto. Modelo, actriz y escritora di Rancho, Zuleika Coffie y e artista Gustave Nouel lo ofrece workshops, pa comparti nan arte cu hende interesa, como parti di e proyecto MATERNIDAD.
Buki MATERNIDAD di escritora Zuleika Coffie, cu su juventud comparti na Rancho, tambe lo ser poni pa bishitante di e Mini-Museo di Rancho por mira. Den e museo caminda lo por admira obra di arte di e prome dos artista presente den Hall of Fame di Paseo Herencia, Gustave Nouel (www.gustavenouel.nl) y su famoso familiar tio Padu (J.C.Lampe).
Tambe lo tin buki y CD di ‘Padu del Caribe’. Lo por disfruta di musica di Padu, como homenaje na nos ‘TATA CULTURAL’. Gustave lo por sketch hende pa un prijs promocional na e Mini-Museo. Vivian Lampe (yiu di Padu) y su casa Víctor Samuel (‘El Duque’) lo ta regularmente den e museo aki, representando Padu.
Tambe a invita algun artista famoso cu tin relacion cu Rancho, pa participa cu un obra di arte, como artista especial invita, den exposicion di Padu y Gustave! Entre otro Mo Mohammed, Ciro Abath y Toton Quant (rip). Lo tin botter pinta di Angela Croes y di Belinda de Veer. Tambe Victor Samuel lo debuta cu un pintura interesante!
Seis luna pasa Stanley & Clayton Brown (ARUBA.COM) hunto cu Gustave Nouel a propone un museo y asina inspira Susanita pa crea e Mini-Museo cu Gustave y Padu.
E mini-Museo ta un regalo di ‘Susanita la bella’ (arubaexperience.com) pa pueblo Arubano disfruta y educa su mes mas tocante su Herencia. Y pa ofrece nos turista un experencia unico, den un di e barionan monumental mas historico y neglisha di Aruba…
E mini-Museo ta un regalo di ‘Susanita la bella’ (arubaexperience.com) pa pueblo Arubano disfruta y educa su mes mas tocante su Herencia. Y pa ofrece nos turista un experencia unico, den un di e barionan monumental mas historico y neglisha di Aruba…
Na stichting Rancho, Clifford Rosa, ‘motor di Rancho’, tambe tin un sala di exposicion cu por aporta na e proposito aki.
Gustave, Stanley y Clayton Brown ta purba desaroja iniciativa, no solamente pa e Mini-Museo di Rancho demostra su derecho di existencia, pero tambe pa juda cu Museo Cas Padu y stimula/realisa museo mas grandi pa tur artista reconosi tanto defunto como artista grandi (prome cu nan muri), por comparti nan Arte na Aruba. Pa e soño aki bira realidad, lo tin mester di apoyo tanto di sector comercial como di sector cultural y turistico. Apertura oficial di e Mini-Museo lo ta dia 25 di January, 18:00pm, na Ranchostraat 12-14.
Mini-Museo Rancho lo ta habri henter dia; di 9or di mainta te 6or di atardi. Tambe na Stichting Rancho tin diferente actividadnan cultural di 10 am te 2 pm, Dia di Betico.
![Mini-Museo Lo Juda Pa Rancho Hanja Atencion Historico Y Cultural Cu E Merece? 155 Image 123650291 1](https://www.eanews.com/wp-content/uploads/2024/01/image_123650291-1.jpg)
![Mini-Museo Lo Juda Pa Rancho Hanja Atencion Historico Y Cultural Cu E Merece? 156 Vivian Lampe Scaled](https://www.eanews.com/wp-content/uploads/2024/01/Vivian-Lampe-scaled.jpg)
![Mini-Museo Lo Juda Pa Rancho Hanja Atencion Historico Y Cultural Cu E Merece? 157 Betico Scaled](https://www.eanews.com/wp-content/uploads/2024/01/Betico-scaled.jpg)
![Mini-Museo Lo Juda Pa Rancho Hanja Atencion Historico Y Cultural Cu E Merece? 158 Astrid Britten Y Susanita Scaled](https://www.eanews.com/wp-content/uploads/2024/01/Astrid-Britten-y-Susanita-scaled.jpg)