Orkan Irma a ras pasa riba Sint Maarten dia 6 di sèptèmber 2017, i einan a laga atras un rastro di destrukshon. Nuebe militar di e Brigada 11 Aeromóbil, ku ta un parti di Forsanan Armá Real, dia 14 di desèmber 2021a keda kondekorá pa nan esfuersonan úniko durante Orkan Irma na Sint Maarten. E asina yamá Barèt Kòrá nan a elevá nan mes riba nan mes bou di sirkunstanshanan pisá, i na Hulanda a risibí e Kalifikashon di Grupo plùs e pin pa bisti, for di mannan di Teniente General Martin Wijnen, Komandante di Forsanan Armá Real.
Defensa tin un presensia permanente den Region Karibe. E tareanan ta konsistí entre otro di detekshon di transportenan di droga i operashonnan di reskate riba laman. Ademas Defensa ta brinda yudansa despues di orkan. Orkan Irma tabata esun di mas fuerte desde 2005, no ménos ku 91% di e edifisionan riba e isla a keda destruí i habitantenan di e isla a keda destrosá. Defensa ta brinda yudansa di kalamidat na gran eskala. E militarnan tantu di Forsanan Armá, Forsanan Aéreo komo Marechosé Real, ta keda mandá Sint Maarten djis promé ku e impakto.
Defensa a restourá komunikashon riba e vianan di tráfiko, a yuda evakuá esnan heridá i a keda desplegá pa evitá sakeo, ademas di mantenshon di órden i siguridat públiko. Riba e aspektonan mas destaká tabatin mas di 600 militar na Sint Maarten, miéntras tabatin 400 hòmber mas ku tabata duna nan sosten desde e barkunan Zr.Ms. Zeeland i Zr.Ms. Pelikaan.
E nuebe militarnan di Forsanan Armá di Brigada 11 Aeromóbil durante e periodo aki a resultá di tabatin mas kurashi, mas amabilidat, mas sentido di hasi sakrifisio, mas sentido di independensia, i por a keda físikamente ubiká unda ku ta, esaki tabata mas di loke ku por a ser pidi di nan.
Pa e motibu ei durante un seremonia chikitu e Kalifikashon di Grupo plùs e pin a ser entregá na nan.
