Vice presidente di Merca, Mike Pence” a dicidi cu e no ta bin cu e “amienda 25” cu ta duna derecho pa baha e presidente Donald Trump.
Mike ta di opinion ‘pa uza e “amienda ” aki un presidente mester ta incapacita of tin un desabilidad cu ta strob’é di haci su trabou’.
Mirando cu e demokrat nan ta butando un presion enorme pa baha presidente Trump prome cu su ora, despues di e suceso ultimo cu a pasa na Capitol Hill.
Nan a purba di bay e caminda di mas lihe pero nan tabatin mester di e bendicion di e vice presidente, algo cu nan no a haña.
Awor aki no a keda nada otro di bay e caminda di “impeachment” pa asina wak cu por baha e presidente prome cu dia 20 di januari awor.
Pa loke ta e suceso cu a tuma luga na Capitol Hill, FBI a logra di atende cu mas di 100 mil video, potret y tipsnan. A logra di atende cu por lo menos 170 hende relaciona cu e disturbionan cu tabatin rond y den e edificio.
