Partido AVP tambe a haci entrega di nan lista na e forma tradicional. Sinembargo un dia anochi prome a anuncia e lista cu lo bay campaña cu ne, pero e siguiente dia cu mester a entrega e lista conseho electoral tabatin un cambio unda cu Mike Eman a hala for di su puesto como lider di partido y a pone e hoben Wendrick Cicilia como lider di AVP y cu lo trek e partido pa e eleccion dia 6 di december 2024.
Wendrick Cicilia di candidato numer 6 a bira candidato number 1 riba lista di AVP . Esaki ta habri un etapa nobo pa partido Aruba , pa AVP cuta bay bolter cos pa cu e eleccion proximo na december. Mike Eman a indica cu a tuma e decision di bolter tur cos den AVP y ta sigur cu lo bay bolter Aruba y Aruba ta cla pa e cambio. Segun Mike Eman awo ta e momento pa bolter cos y e pueblo kier e cambio.
E decision a keda tuma paso den partijraad den AVP e prome pasonan a wordo haci pa tin un lista di transicion unda cu a pone Wendrick Cicilia riba number 2 , pero e proceso no a cana manera a desea y na momento cu a pone pa trece un cambio den e Pais aki AVP ta asumi e responsabilidad tambe pa cana e caminda aki cu echo y no cana e caminda cu palabra. Mike Eman a indica cu por a conoce Wendrick su talento, su moralidad unda cu den e partijraad na momento cu a bin discusion riba e number 2 Wendrick Cicilia a para y bisa ata e number 2 aki y aki ta caminda cu por a mira cu esaki ta e persona cu AVP ta busca pa lidera e partido. E tipo di moralidad y etica cu Aruba tin mester den un persona.
Mike Eman ta indica na momento cu a kere cu Wendrick ta den transicion ainda por a tuma nota cu e echo cu e la haci di entrega su number 2 y bisa cu e ta stima su partido , e ta stima su Pais y e la entrega su number 2 , e momento ey Mike Eman a tuma e decision y mira cu berdaderamente e hoben Wendrick Cicilia ta cla pa tuma mando y guia e partido.