Despues cu Corsou a haya un black out completo y e economia a sinti esaki Darick Jonis a entrega su retiro. Despues di 12 aña cu ta traha como CEO di e compania estatal aqualectra a papia cu su famia y a dicidi di pidi su retiro.
Sinembargo loke cu a pasa ta cu na Corsou tabata para den un black out completo den un siman anterior y den e siguiente siman dos dianan tras di lomba a bolbe bin un black out. Aqualectra no a ni recupera di e prome black out cu a bin un di dos su tras, esaki ta pone aqualectra para keto un rato.
Den e proceso di blacout dia 14 di juni Corsou a perde 2 mashin debi na e black out y pa motibo di esey algun bario a cay afo, pero den 25 minuut a logra duna tur hende coriente bek y asina a sigui cu e suministro di coriente.
E motibo pa kico e mashinnan a cay afo tabata cu tabatin un communication failure, despues di 15 minuut planta di aqualectra unda cu a comunicacion cu e planta nr 2 a cay afo completo cu ta 10MW y desde e momento ey e la dura mas largo prome cu por a logra duna tur hende na Corsou coriente bek.
E problema di comunicacion den e planta Nr 2 a keda resolvi y a lanta e planta bek parcialmente. Despues e siguiente mainta a surgi un blackout y esaki a pasa debi cu tabatin un kortsluiting pisa cu a tuma luga na e schakkel instalatie di aqualectra na mundo nobo, esaki tabata asina fuerte cu dadomomento e schakkel instalatie a hasta explota y a trece basta desbalance y a causa e blackout pa henter Corsou.
Sinembargo den dos ora a start op e net bek y den careda di 8 or di mainta di dia 16 di juni 2023 e barionan a cuminsa haya coriente unda cu 65% di e poblacion di Curaçao a cuminsa haya coriente, a lanta bek poco poco den un forma trankilo.
Sinembargo e blackout di e siman prome despues cu a haci un investigacion a constata cu e cabel cu ta conecta cu e planta di dokweg cu parera a surgi un desperfecto, na e momento ey aqualectra a opta pa investiga pa sa precies kico a pasa y a haci e investigacionnan y por confirma cu e cabel berdaderamente a kibra.
Kico a pasa ta cu riba tereno di tercero tabata coba cu caterpillar anto e caterpillar a kibra e cabel di aqualectra. A logra saca e cabel for di tera y e tabata full kibra, lamentablemente e compania cu a coba y cu a kibra e cabel aki no a notifica aqualectra di kico a pasa.
Na mes momento aqualectra a haci tur e pasonan huridico pa pone e responsabilidad huridico tambe riba e compania aki pa e para responsabel y percura pa e daño cu esaki a causa pa aqualectra y porta pa terceronan tambe y asina por keda cobra despues for di e compania aki. E proceso aki ta canando y mientrastanto na momento cu aqualectra caba di reestablece for di e black out pa e suministro di coriente sigui stabiel.
Na e mes un momento aqualectra ta realisa cu tin cosnan fundamental cu mester cambia na e manera cu ta maneha coriente di tanto produccion y distribucion na Corsou, e investigacionnan lo wordo haci pero kico e cambionan lo ta y con lo haci e cambionan lo bin bek riba esaki mirando cu mester informa e stakeholdernan, accionistanan, ministernan ect ect , pero tambe lo mester informa e pueblo di Corsou di kico ta e cambionan cu lo wordo haci pa por evita e tipo di situacionnan cu a pasa sigui pasa den futuro. E parti aki lo keda pendiente despues cu sinta cu tur e stakeholdersnan.
Sinembargo na mes un momento EA news a ricibi informacion for di nos coleganan na Corsou du CEO di Aqualectra despues di combersacionnan y consulta cu su famia a dicidi di entrega su retiro como CEO di Aqualectra. Lo ta bay tin diferente desaroyonan nobo cu lo cuminsa tuma luga den aqualectra mes den e proximo dianan nos dilanti.