Miembronan di Centro Kibrahacha a gosa di nan Summer Camp

Luicia Hoek coordinador di actividad na centro Kibrahacha 60+ ta elabora riba nan actividad di summer camp. Manera scolnan ta cera centro kibrahacha tambe ta cera, esaki ta pa motibo cu hopi di e boluntarionan ta bay cu vakantie y kibrahacha ta drey mas tanto riba boluntario.

Sinembargo tin algun miembronan cu si kier keda bin centro kibrahacha y pa e motibo aki a habri un summer camp cu a cuminsa dia 10 di juli y awe e la termina, pero pa e terminacion di e summer camp a dicidi cu a cera e temporada aki cu un certificado cu ta keda entrega na tur esunnan cu a participa na e summer camp aki.

Tambe pa clausura e parti aki a haci un lunch hunto cu tur esunnan cu a participa. Segun Luicia Hoek durante di e summer camp a haci diferente actividad manera core den bus rond locual cu nos grandinan ta gusta masha hopi mes y a bishita diferente partinan di Aruba.

Sinembargo na centro kibrahacha mes tambe a haci diferente actividadnan durante di e 4 siman unda cu a pinta riba canvas, traha caha sorpresa pa tur unda cu na momento cu nan a habri e caha loke nan a haya den dje nan lo mester a traha un dushi cuminda y asina mustra nan talento den cushina.

Tambe a hunca “Kibra cabes “ , Tambe a haci un buskeda di diferente articulonan den henter e hardin di centro Kibrahacha unda cu e grandinan por a move tambe. Tambe nan tabata tin mester a bisa e nombernan di a matanan cu tin den hardin. E biaha aki no tabatin un cantidad grandi di miembro paso hopi di nan no tin transportacion. Ya caba a tuma e decision cu pa otro aña lo plania esaki mas miho y asina prepara e leisternan cu a forma parti e aña aki , mirando cu e leisternan cu a participa den e summer camp ta leisternan cu a forma parti pa prome biaha den un evento asina y tur e experiencia cu a tuma pa otro aña tin un idea mas amplio pa sigui haci e summer camp durante di vakantie.

Dia 14 di augustus centro kibrahacha lo habri bek y tur e miembronan cu tin lo bin , pero tambe ta haci invitacion na pueblo di Aruba si tin un bisiña , mama, tata of ruman cu ta 60 + conta nan un poco di centro Kibrahacha of trece nan un dia pa asina cera conoci cu e centro pa asina tambe pasa ratonan ameno hunto cu e otro miembronan.

Click aki bao like y share