Miembro di fraccion di MAN Yaёl Plet : Nada no a cambia den COHO

Miembro di fraccion di MAN Yaёl Plet a tuma nota di e presentacionnan cu a keda duna den rueda di prensa dia 10 di augustus ultimo di parti di gobierno hunto cu su consehero. Sinembargo na momento cu mester mira bek di locual ta trata presentacionnan cu anteriormente cu a keda duna den parlamento dor di gobierno hunto cu su expertonan e tempo ey cual ta sr. de lanoy cu awe ta e mes un experto di e gobierno actual por mira bon cla cu nada no a cambia.
Segun Miembro di fraccion di MAN Yaёl Plet solamente e expresion di idioma a cambia di Hulandes pa papiamento, pero locual ta trata contenido y cambionan fundamental esakinan a keda e mes un cos.
Sinembargo for di tempo cu MAN tabata forma parti di gobierno cu a inicia henter e proceso di negociacion di COHO a indica bon cla pa salvaguardia autonomia di Corsou e rol di parlamento y gobierno ta esencial y ta pesey a percura cu den e ley ta poni di un forma comprendibel, explicitamente cu COHO no tin e autoridad ni den wetgeving ni locual ta trata e parti di bestuurlijk y tampoco e parti legislativo cu ta cay bao di e parti di parlamento y tampoco den e parti di gobernacion cu ta cay bao di e minister nan, nan no tin autoridad.
Tur e autoridadnan aki ta keda manera nan ta pa e parlamento y e gobierno di cada isla. Tambe pa loke ta trata riba nombra e tres personanan fundamental e paisnan a core campaña contra di esaki pa tin uno solamente pa cada pais haya representacion di esaki, pero esaki a keda mes un cos unda cu tres persona lo bini y na unda cu dos di nan tin e afinidad pa locual ta trata e islanan di Caribe Hulandes.
Segun Miembro di fraccion di MAN Yaёl Plet a bay mas leu cu a nombra un comision den cual cada un di e islanan ta pone un representante y for di e comision aki e minister di BZK ta scoge algun persona cu ta pone nan pool y e comision ta scoge cua ta e personanan cu ta drenta den COHO. E dos personanan di e tres personanan scogi , pero ta saca afo for di e pool loke cu e minister di BZK propone.
Si mester mira e situacion ta e minister di BZK ta trece padilanti un cantidad di hende y e comision cu a keda lanta ta scoge dos persona for di e cantidad di personanan cu e minister di BZK a propone. Segun Miembro di fraccion di MAN Yaёl Plet practicamente tur cos a keda mes un cos, nada no a cambia debi cu henter e situacion di e landspakket y locual cu tabata e reforma nan di Corsou , cada isla mester bay diacuerdo cu esaki y esey ta significa cu e parlamentonan di e islanan di Caribe Hulandes mester bay diacuerdo cu e COHO.