Fraccion di MFK ta kere cu mester bin cu un mocion di desconfiansa contra di minister Zita Jesus Leito. Segun parlamentario Gilmar Pisas di MFK , minister Zita Jesus Leito na momento cu e la keda puntra dor di un periodista riba e Proyecto di kenepa e mandatario a elogia e Proyecto unda cu hendenan cu ta deshabilita mester por haci uzo di e parti eynan y tambe lo e keda hopi bunita pa turismo , despues e mandatario a keda intrevista dor di e periodistanan hulandes caminda cu e la nenga redondamente cu e ta na altura cu e Proyecto aki ta andando na kenepa.
Segun parlamentario Gilmar esaki ta momento cu e dos contestanan riba e mes un perguntanan ta contrario di otro y alabes e la trece su iritacionnan tambe cu ne esey por compronde paso nos tur ta hende y cu e por pasa hopi cu nos y despues ta pidi un disculpa pa e eror cu e keda cometi.
Sinembargo MFK a haci un peticion na Partido PAR pa pidi disculpa na nomber di minister , pero segun Gilmar Pisas di MFK lamentablemente a tuma nota ayera na momento cu e mandatario a bay over na contesta preguntanan haci dor di periodista e mandatario a bisa claramente cu e no ta referi na e Proyecto di rampa na kenepa.
E contesta cu e mandatario di trafico, transporte y planificacion urbano a haci no tabata esun corecto y e periodista a corigi esaki tambe na su turno. Na e momento ey e mandatario a bira fresco y a menciona cu si ta asina e ora no entrevistami segun Gilmar Pisas di MFK.
Korsou mester tin mandatarionan confiabel y na momento cu nan trece algo dilanti ta puntonan cu pueblo por tin confiansa den dje y awor aki MFK ta sinti cu esaki no ta e caso. Sinembargo tambe e mandatario a kita dos trahado y enbes cu e la atende cu e hefe y awor dadomomento e hefe mes lo baha.
Esaki ta movecionnan cu fraccion di MFK no ta confia den dje y cu pesey mes ta yama e mandatario den parlamento y lo atende cu ne riba tres punto cu ta e responsabilidad cu e tin cu garga , e sen di gobierno cu a bay perdi y na final riba e integridad cu nos ta para pe den parlamento y abase di e contestanan aki lo wak den ki direccion e reunion lo sigui cana.
Segun Gilmar Pisas di MFK si e contestanan ta e mesunnan cu a scucha pafo dor di e preguntanan cu e la ricibi sigur lo bay over na un mocion di desconfiansa contra di Minister Zita Jesus Leito cu ta minister di trafico, transporte y planificacion urbano na Korsou. Dutchcaribbeantv y EAnews.com ta conectabo cu Caribe