Djaweps awe 23 novèmber ta kontinua e reunion di parlamento riba e situashon di ENNIA. E topíko aki pa nos Frakshon ta importante mirando e impakto ku esaki tin riba nos pais i diferente suidadano den nos komunidat.
Nos ta spera ku e reunion su kontinuashon lo tin klaridat di parti Gobièrnu riba tur e preguntanan ku Parlamento a hasi na nòmber di pueblo di Kòrsou. Gobièrnu a indiká ku tin kalkulashonnan ku mester keda hasi riba diferente senario pa loke ta solushon di e problematika di ENNIA.
Frakshon di MAN kier hasi petishon na Gobièrnu si ta posibel pa Djarason 22 di novèmber promé ku 12 or di mèrdia, Parlamento risibi tur e dokumento nesesario. Dokumentonan ku ta kontene kalkulashon i tambe e desishon ku Gobièrnu a tuma pa loke ta “afwikkeling” di ENNIA.
