Mester bini maneho pa grandi

Resientemente CBS a duna di konosé ku e asina yama “vergrijzing” na Kòrsou ta kresiendo duru i lihé. Pa yanüari 2015 21.7% tabata riba 60 aña i na yanüari 2022 esaki tabata 27.5%.

E sifranan aki ta indiká e importansia pa bini ku un maneho integral di adulto mayó “Toekomstbestendig Seniorenbeleid 2020 -2025” basa riba e programa “active aging “ di World Health Organization kon din manera mas digno i dirihi ta bai atendé ku adultonan mayó

Ku énfasis riba salú, prevenshon, seguridat, bibienda, partisipashon i rekreashon den komunidat di nos adultonan mayó.

Ta importante pa salbaguardia e derechonan di e adulto mayó basa riba nan independensia, partisipashon, kuido i desaroyo implementashon di un maneho ta di urgensia manera e maneho aki ta indika. Pa e motibu aki durante e gobièrnu anterior èks Minister Koeiman di SAOW, kual a keda aprobá pa Konseho di Minister, a traha un maneho integral pa grandinan/adulto mayó ku tur e “stake holders” nan den e sektor aki ku a keda finalisá na september 2019 ku un fondo riba  presupuesto pa kuminsa implementa e asina yama “Senioren Kenniscentrum” pa asina basa riba data i informashon korekto kuminsa implementá e maneho aki. Lamentablemente COVID 19 a asotá i mester a para e trayekto aki.

Aworaki nos ta 3 aña mas leu ku e rapòrt aki a keda finalisá mientras ku tin un “tsunami di enbehesimentu”  den nos horizonte serkano ku lo bini riba nos ku tur e kosekuensha esaki tin pa nos komunidat, kuido i fondonan mara nan un grupo aki, ku si no keda atendé di un manera efisiente, integral i duradero, ku un maneho, esaki lo afektá nos adultonan mayó nan dignidat humanoi nos pais  engeneral di un forma negativo riba nivel sosial i finansiero. Nos hende grandinan meresé miho , nan meresé un perspektiva den nan fase di bida di adulto mayó.

Pa frakshon di MAN, Gobiernu mester atendé situashon prekupante di salú di nos adultonan  mayó, pero tambe nan sitaushon sosial i finansiero. Tin mas di 10 mil adulto mayó ku ta biba solamente e entrada di AOV. Mester buta èkstra atenshon riba e grupo grandi di adultonan mayó tin solamente un penshun behes di 862 florin pa biba kun’e ku kada dia mas ta akudi na “voedselbank” pa motibu di nan si situashon finansiero ku a aumenta despues di e inflashon di e ultimo 2 aña. 

Esaki ta resultado  ku pais no asumí nos responsabilidat pa implementá un penshun general obliglatorio  pa e klase trahadó, esaki ta trese kun’e ku awe den nos pais e grupo di aldulto mayó aki no por tin un bida digno i no por sòru pa un alimentashon salú i no tin aksesó pa tin un bida sosial  i salbaguardia nan dignidat humano despues ku nan a traha I aportá na e paisa aki.

Pa e motibu aki pa Frakshon di MAN e penshun general obligatorio ta e instrumento pa di un manera duradero den futuro atendé ku situashon di miseria struktural ku adultonan mayo ta resultá ora nan baha ku penshun.

E maneho di grandinan di 2019 tin komo un di e metanan pa grandinan ta mas largu posibel independiente i kuida den nan propio kas basa riba un maneho integral di Gobiernu.

Aktulamente ta konosí ku e kuido ku ta ser brinda na mayoria di kasnan di grandi no ta na nivel di kuido desea i gobièrnu su mekanismo di kòntròl no ta funshoná optimal pa motibu di e fragmentashon den nos leinan (LV Bejaardentehuis en verzorgingshuizen, Lv AVBZ i LV Zorginstellingen) i e responsabilidatnan repartí bou di diferente ministerio. 

Banda di esaki segun “Raad van Ouderen” ta konklui algun di e kasnan di kuido di grandinan aki tin un permit ku e verguning  tampoko no ta duna esapasio pa por ehersé kontrol na mometo ku si e kas di kuido tin un pèrmit.

Kas di grandinan ta lanta rònt Kòrsou mirando e nesesidat grandi pa esaki. Grandinan ku ta ku mester bai biba na kas di grandinan tin derechi riba un kalidat kuido. E maneho di grandinan ku a keda aprobá pa konseho di minister na 2019 tin komo meta netamente pa nos grandinan keda mas tantu den nan ambiente ku e guia i kuido nesesario.

Den kuadro di e situashon aki ta importante ku Gobiernu atende ku e “tsunami di enbehesimentu” aki mas lihé ku ta posibel di un manera integral i asina salabaguardia dignidat humano di grandianan di awe i futuro.

Den e kuadro aki nos a hasi algun pregunta na Minister di SOAW 

1. Minister ta altura di e oumento di “vergrijzing” grandi i lihé di un parti di nos polblashon ?
2. Minister ta di opnion ku si no atendé ku e esaki nos presupuesto di pais lo keda kome pa gastuann di kuido pa adultonan mayó?
3. Minister a tuma nota di e maneho “Toekomstbestendig Seniorenbeleid 2020 -2025”?
4. Minister ta bai kontinua ku e maneho aki òf Minister ta bini ku un otro maneho?
5. Minister ta na altura di e situashon alarmante di e adulto mayó ku ta kobra solamente solamente AOV? 
6. Minister ta na altura ku e personanan aki pa motibu ku nan no tin un penshun adishonal nan kai den un pobresa ora nan baha ku penshun?
7. Minister a tuma nota di lista di rekomendashonnan di “Raad van Ouderen” a entrega Gobièrnu?
8. Minister ta na altura di e falta di sinkronisashon entre e diferente ministerionan enkuanto e leinan di kuido di grandinan?