No ta un sekreto ku pa motibu di kambionan klimatológiko mundu ta eksperensiando kambio klimatológiko ku konsekuensia di entre otro di kalor. Na Kòrsou esaki tambe ta e kasono ku konsekuensia negativo pa salú di nos komunidat. E situashon na nos skolnan e situashon ta unu ku ta rekerí atenshon. Sigur na skolnan ku no tin èrko òf mayornan ku no por yuda paga e gastunan pa paga pa instala airco i e konsumo di koriente.Aktualmente klasnan ta registrá temperatura riba 30 grado ku afektando nos dosentenan I alumnonan pa nan por funshoná optimal. Dosentenan mester duna lès den un kalor ekstremo ku ta afektá salú, mientras ku pa alumnonan ta hopi difisil pa nan por konsentrá riba nan lèsnan. For di 2014 Gobièrnu nan di turno a inisia un trayekto pa instalá pánelnan solar riba dak di skolnan huntu ku Aqualectra i Direktivanan di skol. E meta tabata ku pa usa e daknan di skòl instalá pa asina bende e koriente ku Aqualectra kual mester keda hinka bèk den nos enseñansa.
Bisando esaki si nos ke èrko instalá na skolnan mester bai revisá e modelo aki.
Realidat ta ku hopi klá pa nos ku despues di 10 aña di un maneho kambio klimatológiko ta afektando nos.For di e plan aki segun ya a instalá pánelnan solar pa algun skol. Lo ta bon pa Minister di Enseñansa, Siensa, Kultura i Deporte sr. van Heydoorn informá i duna un “update” di e proyekto aki i ku un plan pa konkreto pa yuda mitigá e situashon di kalor aki na skolnan. Mientrastantu e tarifa di Aqualectra pa skolnan ku ta haltu pa e skolnan por paga si por instalá èrko.
Esaki pa motibu ku nan presupuesto “budget “ pa skolnan no ta sufisiente pa kubri esaki e kuenta di koriente i awa. Pa e motibu aki Frakshon di MAN ta di opinion ku mester kuminsa atendé e problema di kambio klimatológiko. Nos mester bai pensa riba diferente opshon pa mitigá e olanan di kalor ku nos tin i ta bai tin den futuro.
Por ehèmpel ku nos mester ban pensa tambe kon nos ta re-diseña nos kuránan di skòl atrobe i buta mas enfasis riba medio ambiente duradero dor di planta palu pa trese fresku rondo di klasnan i riba plenchi di skol. Mirando ku mayoria di skolnan a basha palunan abou i basha asfalt, ku awe ta katalisá e kalor na e skolnan. Ta demostrá ku ora planta mata /palu esaki ta redusí temparatura ku 2 te 3 grado. Miéntras ta intresante pa pensa i deliberá ku tur stakeholder den enseñansa pa kambia nos vakashon eskolar di luna di yüli / ougùstùs pa ougùstùs / sèptèmber e temporada mas kalor.
Nos vakashon grandi ta mará na esun Hulandes ku for di siglo 19 a introdusí “zomervakantie” den luna di yüli i ougùstùs pa motibu ku ta e lunanan mas kalor di aña.
Konsiente di e implikashon pa èksamen di skolnan avansá ku esaki por trese kuné, ya ku tin algun èksamen ta bin for di Hulanda i no ta keda trahá na Kòrsou.
Aki tambe mester por bin un solushon i kurashi pa nos traha tur nos èksamen nan i lòs for di e sinkronisashon ku Hulanda. Nos mester por, ya ku mayoria èksamen ta trahá aki i di e manera aki adaptá nos temporada di vakashon ora pa nos tambe tin “hitte”. Kambio klimatológiko ta bai trese mas kalor pa nos i ta pesei Kòrsou mester bin ku alternativa konkreto kon ta bai atendé ku esaki ta ku e nivel di duna lès i salú di nos maestronan i alumnonan ta nos responsabilidat. Pa e motibu aki ta na lugá kuminsa pensa pa traha riba un lei ku ta garantisá un miho ambiente pa haña lès i duna lès basá riba un maneho duradero.
1 comment
[…] Source link […]