Aisha Esser awe a bay dilanti y nan a prolonga su detencion y hopi biaha na momento cu e ta bay asina pa e di dos rondo di 3 dia mas ta pa motibonan cu no a caba cu e investigacion y cu lo tin mas interogacion cu mester tuma luga y cu ta prolonga su detencion.
Esaki ta un proceso cu ta tuma luga na varios ocacion.
Esser a wordo deteni e siman aki relaciona cu investigacion den caso Flamingo, cu tin di haber cu e expolítico Otmar Oduber.
Aisha Esser ta conoci di ta un campañado hopi fuerte y conoci pa hopi hende. El a yuda hopi politico durante di campaña ya cu esey ta su pasion yuda hende. Hopi aña pasa Aisha a cuminsa campaña pa AVP y e tempo ey tabata pa Tico Croes cu despues di tempo Tico mes a hay’e den problema cu AVP y despues a bay biba den exterior prome cu husticia a yega cerca dje.
Aisha kende e tempo ey a campaña pa Tico Croes, tambe a hay’e den problema pasobra el a campaña pa un politico cu a hay’e den problema despues.
E ta un persona cu ta campaña pa hopi aña caba y esey ta único cos cu e ta haci. Pero debi cu e ta cana man den man cu e politico y of e coordinador di e politico durante campaña ta duna e pensamento cu e lo tin un conexión of tin di haber cu actonan cu politiconan posibelmente a haci. Den Papiamento Crioyo bisa hende mes ta crea nan panorama spirito y dun’e un bida cu no ta un realidad.
despues cu Tico a bay Aisha a sigui den AVP y a bay campaña pa Otmar Oduber. Despues cu Otmar Oduber a bay y a lanta su mesun Partido Aisha a dicidi di sigui yuda Otmar Oduber y asina a bay den Partido POR unda el a keda te na final cu nan.
Despues di esaki manera semper Aisha ta conoci di ta un persona cu ta gusta campaña y ta trece hopi hende cu ne debi cu el a yuda hopi hende den pasado, el a keda acerca y a acepta e reto pa campaña pa MEP den e caso aki pa e actual Minister di Husticia Rocco Tjon.
Aisha no a campaña como su coordinador, pero e tabata e campañado cu a cana banda di tanta di Tjon cu si tabata e coordinador di henter e proceso y unda cu el a logra habri hopi porta. E ta un di e campañadonan cu mas voto a y ta trece pa un politico.
Aisha a core campaña pa Tico Croes cu a bira minister di AVP e tempo ey, el a core campaña pa Otmar Oduber cu a bira minister di AVP e tempo ey , pero tambe a core campaña den POR cu Otmar Oduber y e tempo ey a pone e Partido ta e yabi di e gobierno y pone e Partido cu 2 asiento den gobierno. Despues a tuma e reto cu MEP y a core campaña pa Rocco Tjon y awe Rocco Tjon ta Minister di Husticia.
Aisha ta conoci di a traha duro lanta tempran y na momento cu e tuma un decision cual politico e ta sostene e ta bay 200% su tras cu alma y curpa pa e politico logra e meta. Esey ta haci Aisha, conocí como un campañado di experiencia y dedicación, ta wordo acerca door di hopi político.
Awe un biaha mas Asha ta haya su mes den un problema unda cu un keho spirito hungando teatro sin cu ta wak su sombra den spiel.