Aki na Aruba for di oranan tempran di mainta a cuminsa cu e preparacion pa votamento pa e presidente di Venezuela. Na e momentonan aki Nicolas Maduro ta buscando su re-eleccion despues di 11 aña na poder. Y e eleccion di 2024 ta e reto di mas grandi cu e ta enfrentando, cu un gran parti di e pueblo cansa di e socialismo cu en realidad ta un socialismo camufla, unda un elite di e Madurismo ta esun cu ta probechando.
Consulado di Venezuela na Aruba ta e post unda cu e Venezolanonan residencia riba e isla por bay pa deposita nan voto. For di 5’or di mainta e preparacionnan a cuminsa, tanto paden como pafo. Oposicion pafo a pone tent pa asesora e votadonan y busca contacto cu esnan registra pa corda pa bin deposita nan voto.
Pa 6’or di mainta e consultado a habri su porta pa ricibi 1366 Venezolano a inscribi pa vota na Aruba.
Un di nan cu a vota tempran ta Mervin Morillo Roja. El a bay vota trempan cu e speransa cu por tin e cambio tan spera. SI e no ta awe, e lo no ta nunca mas. E eleccion di awe a trece hopi expectativa.
Morillo a splica cu ta masha hopi hende mas ta mira cu ansha e resultado aki, hopi tin e speransa di un reencuentro cu familiarnan. E mes tin 35 aña bibando na Aruba y ta hopi gradici pa tur e oportunidadnan brinda na dje.
E Venezolano aki no por a evita su lagrima di pensa riba su pais, unda cu hopi famia a haya nan mes obligatoriamente di separa, creando un desunion grandi, pero tambe hopi pobresa. Danki na e ayudo cu el a ricibi aki na Aruba, y mescos cu otronan cu a haya oportunidad na paisnan rond mundo, cu por yudda e famianan cu a keda atras. Pero tin ciudadano cu no ta conta cu e apoyo di familiarnan den exterior. Pues nan ta biba na loke cu por haya. P’esey mester bin un cambio despues di 25 aña di pobresa. Esaki siendo cu e pais tin tur cos, rikesa pero e pais ta pio cu Haiti. Muchanan riba caya, comiendo for di bari di sushi, nada no ta funciona na e pais. E exclusivdad ta pa esnan cu ta colga na e gobierno, el a bisa.
Na Aruba mes tin mas cu 10 mil persona na Aruba y solamente 200 y pico por vota. Y e mesun situacion of panorama aki ta mira cerca Venezolanonan rond mundo. “Ami a vota cu curason y consciencia. No ta bale la pena pa ta un Chavista of Madurismo y bo ta biba aki of na otro parti di mundo. Bo mester biba aya pa sinti loke cu e hendenan ta sinti, e pobresa cu nan ta biba aden. Pa e muchanan y pa esnan di tercer edad mester cambio. Mi kier bolbe mi pais. Mi tin 14 aña cu mi no ta bay Venezuela. Mi tin miedo di tur cos. Si bo drenta cu placa, ta problema. Mester duna comision na autoridad.”
El a manda un mensahe pa tur su famia pa bay vota pasobra mester un cambio..
Venezuela enfrenta el domingo el mayor desafío electoral del último cuarto de siglo. El presidente Nicolás Maduro, que busca un tercer mandato tras 11 años en el poder, se mide contra el exdiplomático Edmundo González. Su principal rival llega arropado por una buena parte de la oposición que logró superar sus diferencias y respaldar la candidatura.
Estas elecciones presidenciales son un examen para la continuidad de gobiernos autoproclamados como socialistas, que comenzaron hace 25 años con el ya fallecido líder Hugo Chávez, que promovió exitosamente en sus primeros años programas sociales. Con el paso de los años, las autoridades fueron señaladas de mal manejo y corrupción, que llevaron al país a una crisis económica que forzó a millones a dejar el país.
