ORANJESTAD,Aruba
Unidat di Labor di Direktorado di Komunidat i Kuido den koperashon ku Plenchi di Trabou pa medio di e proyekto ‘Ban Traha’ ta ofresé oportunidat na 8 partisipante pa sigui un kurso práktiko pa profeshon di Hospitalidat. Meta di e kurso pa profeshon ta pa fortifiká posishon di e partisipantenan riba merkado laboral. E kurso pa profeshon ta kuminsá meimei di luna di sèptèmber i tin lugá pa 8 persona. Registrashon pa partisipashon ta posibel promé ku 9 di sèptèmber via +599 777 2246.
Meta di e proyekto ‘Ban Traha’ duna sosten na hendenan ku ta buska trabou i ku ta eksperensiá sierto difikultat den esaki, pa haña un trabou. Pa medio di Ban Traha meimei di luna di sèptèmber ta kuminsá ku un kurso pa profeshon di Hospitalidat. En total tin 8 lugá disponibel pa e kurso aki. Onderwijs Instituut Caribisch Nederland (OICN) ku ta duna formashon pa práktika, ta ofresé e kurso pa profeshon aki. E sitio pa práktika pa e kurso pa profeshon aki ta Divi Flamingo Beach Resort. Na Divi Flamingo Beach Resort e partisipantenan ta haña oportunidat pa siña e ofishi den un ambiente práktiko real.
Den e kurso práktiko pa profeshon e partisipantenan ta siña entre otro abilidatnan manera hasi yamada i kontestá telefon, trabou di resepshon i manehá un ‘cash register’. Si nan finalisá e partinan telefonista i resepshonista ku bon resultado, nan ta haña un diploma rekonosé.
E kurso pa profeshon ta pa personanan ku:
– Ta buskando trabou i ta inskribí na unidat di Labor
– Ta buskando trabou i tin eksperensia di trabou den dunamentu di servisio
– Ta buskando trabou i tin gana di traha den dunamentu di servisio
Despues ku nan finalisá e kurso pa profeshon e partisipantenan tin e base pa kuminsá traha den funshonnan kaminda kontakto ku kliente ta para sentral, manera por ehèmpel anfitriona/anfitrion (host/hostess), telefonista/resepshonista, bendedó den pakus òf kahero/kahera. Ta ofresé e kurso pa profeshon aki sin garantia riba un trabou ora ku finalisá e trayekto.
Na e momentunan aki ainda tin algun lugá disponibel. Si bo ta interesá pa partisipá na e kurso pa profeshon aki, bo por yama òf ‘app’ e number di telefon +599 777 2246 promé ku 9 di sèptèmber. Si bo doño di trabou ta interesá den un di e kandidatonan ku a haña formashon, tambe bo por tuma kontakto ku e mesun number di telefon.
Riba potrèt:
Mia Tweed: Kordinadó proyektonan pa merkado laboral
Junny Vos: Onderwijs Instituut Caribisch Nederland
Lesley Pluijmen: Mènedjer di Rekurso Humano di Divi Flamingo Beach Resort
