ORANJESTAD,Aruba
Parlamentario Endy Croes ta condena masha hopi e actitud di Hulanda mei mei den un
crisis. Mientras Tweede Kamer ta bringando pa un aumento pa esnan cu ta traha den
cuido, Militair Knops a haña ta bon pa pasa machete na balor di 35 miyon florin den cuido
na Aruba. Mas tristo ta esaki ta conta solamente pa Aruba como cu e condicion aki no ta
conta pa Corsow-St Maarten y Hulanda.
/// Timing den bida ta algo crucial:
Parlamentario Endy Croes ta spika cu e mes ta uno cu a cuestiona AZV basta fuerte
ultimo dos aña nan bogando pa trese cambionan den ley pa por baha cierto gastonan. Por
ehempel Buitenlandszorg ta un post cu ta costa AZV 60 miyon pa aña y mester por tin otro
manera pa baha e post aki sin mishi cu e cuido. Un ehempel ta crea e plataforma y
atmosfera pa por importa Specialistanan den region kendenan lo bin traha 60 dia ( 2 luna)
y juda diagnostica, opera y trata patientnan aki na Aruba mes y baha wachtlijstnan largo.
Just pa nombra un. Asina tin varios post cu mester di atencion pa asina por hasi AZV
sostenibel. Lokual ta condenabel cu corona virus a dal henter mundo mientras nos tur sa
cu esaki tin un peso extra hustamente riba cuido den tur palabra di sentido. Gobierno no a
pidi pa corona virus of a escohe pa esaki. Net awor Hulanda sin ningun estudio previo ta
exigi gobierno riba fecha 15 di mei 2020 pa corta 35 miyon den AZV y mester logra esaki y
informa Hulanda promer cu 1 di Juni 2020 con lo bay hasie. Militair Knops ta haña esaki
responsabel? Aruba mester a hasie pa bin na remarke pa e un prestamo. Apesar di a
cumpli y a corta den salarisnan di ambtenaar y politiconan y Directuernan di companianan
estatal toch Hulanda a bin cu extra condicion 5 pa 12 y te cu awe Aruba no a logra ricibi e
prestamo. Bo ta castigando nos cuido den e momento cu Aruba mas tin mester di dije pa
despues castiga henter un pueblo cortando extra 136 miyon di un prestamo cual tin un
conseho positivo di CAFT desde 24 di Juni 2020. Pa Parlamentario Endy Croes Militair
Knops ta hungando cu su Poder di plaka mei mei den un Pandemia algo cu nunka nos lo
lubida kisas tampoko perdona. Poder ta pasahero. Ayudo na un pueblo ta un ayudo
berdadero. Timing den bida ta algo hopi valioso pero demostrando Bo poder den crisis cu
exigencianan descabeya a cambio pa presta un isla den Reino plaka ta inaceptabel.
Militair Knops debe Aruba un despensa publico.
/// Trabow duro nunka a mata:
Berdad e Pandemia aki ta algo nunka bisto y su efecto pa economia ta desastroso. Den
mesun rosea Mi ta kere den nos hendenan y nos profisionalnan y trahando duro y
trahando hunto cu un bon disciplina nos mes lo saca Aruba for di e abismo aki dado caso
Hulanda keda terco. Nos mes lo inicia cu e hervormingsplan esta e reforme. Tin speransa
na caminda y pronto Promer Minister lo cuminsa anucia esakinan. Ban lora manga di
camisa y hasi Bo esfuerso propio banda di e esfuerso cu gobierno ta hasi tur dia pa trese
paz, trankilidad y prosperidad bek den e pais aki. Lo tuma poko tempo pero keremi nos lo
sali.
