Diasabra ultimo na MBO Bonaire un cantidad grandi di hoben y adulto a participa ne e opendag. Director Liset de Keijzerta ta contento con tur cos a cana. For di 9 or di mainta e portanan di MBO Bonaire tabata habri. Mas di 200 persona a keda invita pa atende e opendag, specialmente na esnan cu tin e gana di cuminsa cu un studio despues di vakantie di pasco grandi, ta trata aki di personanan cu ta traha pero cu kier sigui studia. Mas di 50 docente tabata presente pa duna informacion, director di MBO Bonaire ta kere cu ta hopi importante pa e adultonan y hobennan ta consciente cu oportunidad tin pa crece. Aunke e opendag a pasa caba diasabra ultimo, esaki no ta e ultimo dia cu por haya informacion pa por sigui un estudio.E escogencia pa un estudio ta amplio, banda di esaki tin estudionan nobo cu a bin acerca, MBO Bonaire tin mas di 30 escogencia, y ta sigui amplia cu mas.Ta importante pa comunidad di Boneiro sa cu e posibilidad di studia combina cu trabao ta posibel y tin un variedad di escogencia tanto den nivel 1,3 y 4.
