Mayan dia 27 di September 2023 lo ta Dia Internacional di Turismo, turismo pa nos pais ta e pilar economico di mas grandi y ta genera e beneficio y entrada di halto pa nos pais. Nos por bisa cu Aruba como un isla turistico ta bendiciona.
Aruba por yama su mes bendiciona pa e buniteza cu ta rondona nos pais. Nos ta wak rond di nos y por mira dicon un turista lo kier bin y posiblemente no kier bai mas. Nos pais ta yena cu diferente cosnan tremendo pa un persona cu ta bin di afo.
Nos pais ta uno orienta pa duna e mihor calidad den e area di turismo, unda nos bai pa haya e mesun buniteza y bon combinacion manera nos pais ta poco. Nos mester diberdad sinti nos previligia pa por traha cu diferente lasonan cu ta sigui engrandece nan biahe y conexion cu Aruba.
Aruba ta yena cu monumento, lugarnan y actividadnan cu ta eleva e experiencia di turistanan riba nos isla. Nos tin un combinacion di hopi cos cu ta haci nos nan destinacion ideal. Aruba su lama y solo, su cuminda y hendenan amabel y cla pa duna un man ta pone cu cada un turista semper ta ked engancha den Aruba. Por cierto nos celebracionnan grandioso di Carnaval mas ta yama hopi atencion y ta duna nan cosnan creativo y cu hopi ritmo pa wak y goza.
Nos pais cu ta yena cu camindanan pa bo saborya un dushi cuminda na e oria di lama y pa bo wak e buniteza cu ta nos pais, ora cu solo ta baha ta cierto puntonan cu berdad ta haci nos pais e isla favorabel pa un vakantie inolvidable.
Aruba su diferente departamentonan cu ta engrandece e experiencia aki pa turista. Danki y un Feliz Dia di Turismo na tur esnan cu ta traha patras di cortina pa haci cu Aruba por grandemente depende di nos Turismo pa su economia.
Ban mantene nos pais representabel. Unda cu nos bai cuida e medio ambiente di nos pais, laga nos mantene nos pais digno di bishita, tambe ta den nos man. Laga nos mantene e gozo, limpi bunita y trata otro cu respect y amabilidad lo bai hopi leu y lo yega na un turista cu lo conta di e buniteza di nos pais y ciudadanonan. Ban ta un bon Arubiano y destaca nos mes y otro den e area aki cu ta brinda Aruba hopi. Cuida nos mes y medio ambiente ta punto nan clave pa asina nos por engrandece y mantenenos turismo.
Ki pilar?
Turismo tin diferente pilar cu mester traha hunto pa turismo draai manera mester ta.
Pilarnan manera: transporte, seguridad, alimentación, acomodacion ta algun di nan. Con nan ta yega unda nan mester bay mester ta uno sigur y cu no ta abusa na e momento di duna nan un prijs cu despues nan ta keda mal asombra di con caro nos pais ta.
Pensa bon con pa duna nan e prijs corecto pa asina nan no mester disgusta, ta importante. Seguridad di nos pais tanto pa nan y pa nos mes ta uno importante. Sa con pa comporta y mantene nos pais sigur ta algo cu nos mester haci. Sigura cu e persona su bida ta na prome lugar riba tera y den lama. Alimentacion ta algo cu nos tur mester y tin derecho riba dje, prepara algo pa un persona y tambe ta sigur cu nan por haya e cosnan corecto pa loke nan tin mester ta bon pa remarca. Aruba no tin un problema den esaki, pero di berdad ta hopi adelanta den esaki. Aruba tin diferente lugarnan pa nos come y turistanan tambe. Nos tin un surtido basta grandi den diferente cuminda. Acomodacion tambe ta un area cu Aruba ta destaca. Tin hende por cierto ta haya nos tin di mas. Aruba tin diferente hotel y caminata pa keda cu ta paz den cualkier budget y rekesito cu un turista ta pensa riba dje. Aruba ta un isla unda nos ta crece hopi liher y ta versatil den diferente area turistico.
Ta essencial pa nos duna e area turistico atencion y bon cuido como cu e ta nos pilar primordial den e area economico, pero un cos si ta di aplaudi ta e esfuerzonan poni pa no perde nos turismo. Despues di COVID-19 of otro obstaculo, ta demostra con nos pais por nabega diferente cos, pero lo keda fuerte den area cu ta bin di nos.
