Djabièrnè 28 di yüni 2024 Teniente Naval 1e klas Marc Jereskes a pasa komando di nave di apoyo Zr.Ms. Pelikaan na Teniente Naval 1e klas Max Borsboom. E traspaso di komando a tuma lugá na pir RIMA na Base di Marina na Parera, den presensia di tripulashon i famia di ámbos Komandante.
Marc ta mira bèk atras riba un periodo bunita: “Ta duna mi hopi satisfakshon ora mi mira bèk riba e periodo aki. Mi ta orguyoso ku mi tabata forma parti di un tim, den kua e tripulashon tabata pará klá pa otro, di dia i anochi.”
E ehersisio internashonal “Tradewinds’ tabata e último ehersisio grandi pa Marc, komo Komandante di Zr.Ms. Pelikaan; durante esaki lasonan internashonal den Region Karibe a keda fortalesé i e tripulashon di Zr.Ms. Pelikaan a keda di trein pa wòrdu desplegá durante temporada di orkan.
E Komandante entrante, Max Borsboom, a start su karera komo Ofisial di Warda riba Zr. Ms. Rotterdam i despues a sirbi entre otro komo Ofisial di Buseo na Grupo di Sambuyadó na Defensa, i tambe komo Ofisial di Defensa Aéreo riba Zr. Ms. Evertsen.
Max ta antisipá su promé Komando riba un Barku di Marina: “Mi ta konsiderá esaki un honor grandi ku durante e añanan benidero mi por ehersé e Komando riba Zr. Ms. Pelikaan, mi tin hopi gana di hasi esaki! E ta un responsabilidat grandi pa rendi sosten relevante marítimo militar ku e barku versátil aki i su tripulashon dediká; no importá di unda ku esaki ser pidí. Nos tei kla pa esei!”
Bou di guia di Teniente Naval Max Borsboom Zr.Ms. Pelikaan ta kontinuá ku su tareanan operash
