Directora di Biblioteca Nacional do Aruba, Sra. Astrid Britten a entrega e buki artistico MATERNIDAD na ‘Susanita la bella’ di Aruba Experience pa hende por mira den e futuro Mini-Museo di Rancho, cu celebrando 200 aña di Oranjestad lo habri DIA DI BETICO. Pintura di Betico cu Gustave Nouel-Croes a pinta, combina cu celebracion di 200 aña di Oranjestad, lo ta un homenaje na Betico!!
December 2023, e buki MATERNIDAD a ser entrega tambe na CEO di KIT(Koninklijk Instituut voor de Tropen), na Wereldmuseum di Amsterdam (ex-Tropenmuseum), caminda e buki den e 4 lenga mas papia na Aruba, di un escritora di Rancho, a ser poni na entrada di e EXPO MATERNIDAD. Asina promocionando nos Papiamento (revisa pa Ramon Todd Dandaré)
Cu apoyo di ATA, e buki MATERNIDAD lo ser presenta na Aruba na Mei 2024, DIA DI MAMA, na Biblioteca Nacional di Aruba (NBA). Apoyo di Aruba Experience y/o e mini-museo, cu kier colabora cu henter sector cultural, ta posibel.
Tambe lo tin presentacion di MATERNIDAD den Museo Terramar di Bonaire y despues na Sint Maarten, colaborando cu nan Departamento di Cultura. Tambe CCC ( Centro Cultural Curaçao) a mustra interes, pero pa falta di fondo, no tin seguridad ainda. Como parti di e proyecto MATERNIDAD, modelo, actriz y escritora di Rancho, Zuleika Coffie y e artista Gustave Nouel lo ofrece workshops, pa comparti nan arte cu hende interesa.
Buki MATERNIDAD di escritora Zuleika Coffie, di Rancho, tambe lo ta disponibel pa bishitante di e Mini-Museo di Rancho mira so. Den e museo caminda lo por admira obra di arte di e prome dos artista presente den Hall of Fame di Paseo Herencia, Gustave Nouel (www.gustavenouel.nl) y di su famoso familiar tio Padu (JCWLampe).
Tambe lo tin buki y CD di ‘Padu del Caribe’. Lo por disfruta di musica di Padu, como homenaje na nos ‘TATA CULTURAL’. Gustave (GN) lo por sketch hende pa un prijs promocional na e Mini-Museo. Un oportunidad unico!
Vivian Lampe (yiu di Padu) y su casa Víctor Samuel (‘El Duque’) lo comparti regularmente sorpresa den e museo aki.
Tambe a invita algun artista famoso cu tin historia/relacion cu Rancho, pa participa cu un obra, como artista especial invita, den exposicion di Padu y Gustave! Entre otro Mo Mohammed, Ciro Abath y Toton Quant (rip).
Lo tin botter pinta di Angela Croes y di Belinda de Veer. Tambe Victor Samuel lo debuta cu un pintura curioso!
Seis luna pasa di Stanley & Clayton Brown (ARUBA.COM) hunto cu Gustave Nouel a propone y asina inspira Susanita pa crea e Mini-Museo cu Gustave y su tio Padu (Tata di nos Cultura!). E mini-Museo ta un regalo di ‘Susanita la bella’ (arubaexperience.com) pa pueblo Arubano disfruta y educa su mes mas tocante su Herencia.
Y pa ofrece nos turista un experencia unico, den un di e barionan monumental mas historico y neglisha di Aruba…
Na stichting Rancho, Clifford Rosa, ‘motor di Rancho’, tambe tin un sala di exposicion cu por aporta na e proposito aki.
Na stichting Rancho, Clifford Rosa, ‘motor di Rancho’, tambe tin un sala di exposicion cu por aporta na e proposito aki.
Gustave, Stanley y Clayton Brown ta purba desaroja iniciativa, no solamente pa e Mini-Museo di Rancho demostra su derecho di existencia, un prome paso hopi importante, pero tambe pa juda cu Museo Cas Padu y stimula/realisa museo mas grandi pa tur artista reconosi tanto defunto como artista grandi (prome cu nan muri), por comparti nan Arte na Aruba. Pa e soño aki bira realidad, lo tin mester di apoyo tanto di sector comercial como di sector cultural y turistico. Apertura oficial di e mini-museo di Rancho lo ta dia 25 di Januari, 18:00pm, na Ranchostraat 12-14.
![Maternidad Tambe Den E Museo Nobo Di Rancho 155 Maternidad Tambe Den E Museo Nobo Di Rancho Scaled](https://www.eanews.com/wp-content/uploads/2024/01/Maternidad-tambe-den-e-Museo-nobo-di-Rancho-scaled.jpg)
![Maternidad Tambe Den E Museo Nobo Di Rancho 156 Maternidad Tambe Den E Museo Nobo Di Rancho.4 Scaled](https://www.eanews.com/wp-content/uploads/2024/01/Maternidad-tambe-den-e-Museo-nobo-di-Rancho.4-scaled.jpg)
![Maternidad Tambe Den E Museo Nobo Di Rancho 157 Img 6437](https://www.eanews.com/wp-content/uploads/2024/01/IMG_6437.jpeg)
![Maternidad Tambe Den E Museo Nobo Di Rancho 158 Maternidad Tambe Den E Museo Nobo Di Rancho 1 Scaled](https://www.eanews.com/wp-content/uploads/2024/01/Maternidad-tambe-den-e-Museo-nobo-di-Rancho-1-scaled.jpg)
![Maternidad Tambe Den E Museo Nobo Di Rancho 159 Maternidad Tambe Den E Museo Nobo Di Rancho.3 Scaled](https://www.eanews.com/wp-content/uploads/2024/01/Maternidad-tambe-den-e-Museo-nobo-di-Rancho.3-scaled.jpg)
![Maternidad Tambe Den E Museo Nobo Di Rancho 160 Maternidad Tambe Den E Museo Nobo Di Rancho.5 Scaled](https://www.eanews.com/wp-content/uploads/2024/01/Maternidad-tambe-den-e-Museo-nobo-di-Rancho.5-scaled.jpg)
![Maternidad Tambe Den E Museo Nobo Di Rancho 161 Maternidad Tambe Den E Museo Nobo Di Rancho.6 Scaled](https://www.eanews.com/wp-content/uploads/2024/01/Maternidad-tambe-den-e-Museo-nobo-di-Rancho.6-scaled.jpg)
![Maternidad Tambe Den E Museo Nobo Di Rancho 162 Image 123650291](https://www.eanews.com/wp-content/uploads/2024/01/image_123650291.jpg)