No ta un secreto cu desde 2020 minister di infrastructura Evelin Wever Croes tin reto nan grandi cu departamento di DIP, sinembargo mucho no a cambia pa e local. Pero dicon e local nan realmente ta keda abou den lachi, door di e mandatario of door di e ambtenaarnan inhusto of corupto den DIP ?
Informacion a yega na mesa di EAnews cu tin 900 verzoek pega na DIP pa bestemmingswijziging pues 90% ta hendenan local wardando pa por acomoda nan negoshi of wardando pa habri un negoshi nobo of pa amplia nan negoshi/propiedad existente y sin un MB di bestemmingswijziging nan no ta yega na remarca pa un prestamo na banco. Pues aki ta trata di nos mes un local nan cu ta luchando dia aden y dia afo pa por progresa riba nan mes un pais.
Pero ken ta ocasiona e bloke aki pa nos propio Arubiano nan? Ken ta culpabel cu cosnan no ta cana den DIP ? Ken ta percura di no traha y no cumpli cu su trabou na pia di trabou? Ken ta perhudicando Arubianonan humilde cu kier crece riba nan propio Pais? Tin discriminacion ta hungando un rol door di ambtenaarnan cu no por separa emocion?, su color politico?, su tarea principal cu e la keda tuma na trabou como ambtenaar pa cumpli cu ne?
Den pasado a culpa director Haime Croes te hasta a hale un banda, pero mucho diferencia awe cu señora Dirksen na cabes nos no ta mira, por a compronde cu esun encarga cu bestemmingswijziging ta nada mas y nada menos cu e paralegal cu poco experencia cu tabata traha na notario nan na Aruba, pues señora Maritsa Chiquito, awe no ta cumpli cu su trabounan y no ta percura pa trata tur 900 verzoek of mas pega paso e no kier y of paso e no ta gusta e personanan, miho dicho e Arubianonan pa logra sali padilanti.
Ambtenaarnan den DWJZ tambe ta comenta di loke ta pasando y ya caba ta papia riba e topico aki cu loke ta pasando den DIP no por, unda cu señora Maritsa Chiquito ta mas ocupa ta bringa caso contra pueblo di Aruba, treciendo mas problema cu solucion. Premirando cu ya caba gobierno di Aruba a paga miyones na dwangsom debi na caso nan den corte cu gobierno ta perde constantemente. Ken mester para responsabel pa e mal maneho aki y mal adviesnan cu ta wordo duna internamente na DIP y ta pueblo di Aruba mester paga. Ta kere ta husto pa esun cu duna e mal advies aki para personalmente responsabel y no e pueblo di Aruba?
Ta importante pa Minister Evelyn Wever Croes splica pueblo di Aruba riba e pensamento y maneho nobo aki den DIP.
Principalmente Arubianonan riba nan Pais ta wordo perhudica, Con nos mester por describi actonan asina cu ta pasa den departamentonan di gobierno, e ambtenaar ta apto pa e funcion si of no ? E ta husto pa un ciudadano emocional y cu ta racista riba si e hende ta blanco of preto of bruin, si e tin placa of no placa, si e tin cabey preto of blond pa por procesa su proceso di peticion por cana su caminda? Pa kico realmente tanto discriminacion pa comunidad di Aruba ?
Lamentablemente na mes momento cu señora Maritsa Chiquito ta desprecia ciudadano nan Arubiano na Aruba, peticion di unda su casa ta traha señora Maritsa Chiquito personalmente a percura pa firma den “NO TIME” un “verzoek” pa e compania unda su casa ta hefe. EAnews tin algun documento cu a yega den nos inbox cu te ainda despues di tur e casonan cu tabatin den corte riba corupcion y no integridad ainda tin ambtenaar cu ta pone nan trabou y nan mes den risico. “ Wie niet wil horen moet Voelen”
Sinembargo EAnews ya caba a cuminsa cu e proceso y lo pidi un lob verzoek na e minister pa verifica si esaki ta cuadra cu berdad, pero mientras e mentalidad di señora Maritsa Chiquito ta sigui asina e 900 ciudadano Arubiano lo keda perhudica y lo mester sinta warda sea cu nan color di cuero lo mester cambia, of nan saco mester ta yen kisas pa yena otro saco ? , nan color di cabey mester cambia pa señora Maritsa Chiquito por gusta nan y pa su emocionnan dune e ok pa por trata bo como un Arubiano riba bo propio pais.
Sinembargo varios empleado di DIP a cuminsa bati alarma cu e situacion ta pio cu nunca, no ta trata di busca solucion pa yuda Arubianonan y pa e pueblo , pero ta crea mas problema pa pueblo y haci e procedura nan casi imposibel pa nos hende nan. Dicon realmente e modus operandi aki di señora Maritsa Chiquito?
Pero den henter e proceso aki ken pa culpa awo paso ex director mr Haime Croes no tey mas, minister nunca no sa nada y señora dirksen cu ta director suplente no ta duna cara na prensa y e ta cu verlof na e momentonan aki. Esun cu a keda suplente di e director suplente di DIP actualmente ta Robert Maduro, pero realmente te ta eherciendo trabou? Of ta Maritsa Chiquito ta dictando den DIP?.
Na mes momento cu e horea link scucha , a bay busca pa e horea rechts compronde kico ta pasando y sa si tin posibel solucionnan na caminda pa e situacionnan den DIP, EAnews a tuma contacto cu oposicion cu tambe a informa cu nan ta na altura di asunto desastroso aki pero ta prefera di no duna comentario na e momento aki y cu nan tin un plan pa implementa hende nan realmente capacita den e materia aki, pero e ora kico minister actual di infrastructura ta warda pa haci un cambio y trek recht tur e desaster cu ta pasando den DIP ? Tin un rapport realmente di cuanto bestemmingswijziging a wordo saca ?, si tin e rapport unda e ta ? . Ta importante pa prome Minister Evelyn Wever Croes por splica tanto e modus operadi cu tin den DIP, si tin un rapport pa saca esaki pa pueblo, y kico realmente ta e maneho di DIP contra di Arubianonan.
Den transcurso di siman nan nos dilanti EAnews lo sigui elabora riba uitspraak di Didam-arrest ECLI:NL:HR:2021:1778, cu ta un uitspraak for di 26 november 2021 y te dia di awe cu nos ta na 2024 ningun momento prome minister Evelyn Wever croes no a hinke den un maneho pa asina e pueblo di Aruba sa kico e mester atende su mes na e arrest aki. Tres aña a pasa y te dia di awe pueblo di Aruba no tin ningun conocemento na esaki.