Na Archivo Nacional Aruba Marko Christiaans a keda invita pa asina por elabora y papia mas riba e historia di “Tarai” y tambe duna comentario riba piskeria na Aruba . Lo papia riba “Tarai” y “Reda” y pesca. Den pasado Marko Christiaans a yega di skirbi un buki cu yama “perseverancia “ y den e buki a keda redacta tur loke cu ta pasa den e mundo di piscado nan na noord, tur e luganan di pisca na noord, doñonan di reda na noord, doñonan di boto na noord ext ext.
Segun Marko Christiaans e la keda hopi sorprendi cu e expo di “Tarai” y cu hopi gusto a acepta pa por duna un lectura y splica e bida di piscadonan y e trabao di tarai riba lama.
Lamentablemente mester bisa cu mayoria di e “Tarai” nan ta keda importa. E redanan antes ta keda traha na cas y e mayornan tabata siña e muchanan y awe nan ta hende grandi cu a keda cu e tradicion.
Tambe den henter e proceso aki tambe tin leynan , porehempel den aña 1971 tin poni kico ta e materialnan cu por uza pa pisca. Actualmente tin hopi descontento y hopi keho pero e berdad ta cu semper tabatin regla y leynan vigente for di basta aña caba.
Actualmente tin preocupacion unda cu Chines nan ta baha redanan sumamente grandi cu botonan grandi y ta gara un monton di pisca den un solo biaha, segun Marko Christiaans esaki e ta inaceptabel . Aruba no tin hopi lama , aki cerca mes ta Venezuela y e luganan pa pisca ta keda hopi chikito y limita. Banda di cu nos tin un lama chikito tambe e acto lo perhudica tur nos piscadonan na Aruba. Nos no mester lubida cu piscamento ta un parti cu hopi di nos ta cria nos famia y no por stroba e tradicion aki.
