Lider di fraccion mas ta muri pa poder, esaki ta bisto den tur su video nan cu e ta traha cu proposito pa kibra hende muhe. Marisol Lopes Tromp tin ansha di rabia cu a keda para y pa stop e di haci daño na Pais Aruba. Marisol Tromp ta e unico minister cu a bay den historia di Reino Hulandes cu a ser baha como minister door di su propio partido politico, e no ta un politico di confia.
Su video nan cu rabia y manipulacion pero principalmente cu gañamento manera e ta conoci di dje, di ta un gañado y manipulado. Berdad Prome minister ta naci na Leiden pero aki ta mira e diferencia cu aunke cu a nace di Leiden/Hulanda y a biba na Aruba su curason ta pa Pais Aruba, contrario na Marisol Tromp cu a nace na Aruba y su curason ta na Hulanda pa hinca Aruba den man di Hulandes nan. Aki por mira cu Prome Minister di Aruba Evelyn Wever Croes ta Arubiano cu Marisol cu no stima e Pais aki pero solamente su propio interesnan.
No ta un secreto, pero e ta hopi bisto tambe como parlamentario di MAS den parlamento Marisol Tromp ta trahando pa su mes y no ta trahando pa loke pueblo a pone den parlamento pa traha na interes di Pais Aruba, asina Ministar Xiomara Maduro a indica Marisol Tromp no ta mirando e interes di pais Aruba , si esaki ta e caso e parlamentario lo tabata sa kico ta pasando y como politico e lo compronde cu awor aki tin un negociacion politico andando y cu Hulanda ta abusando door di un pandemia pa asina nan na Hulanda por gana placa riba cabes di e ciudadano nan di Aruba. Segun Minister di finansas Xiomara Maduro esaki ta e realidad cu ta andando entre Aruba y Hulanda.
Ta lamenta cu hopi di nos como Arubiano no ta gusta scucha of busca informacion di nos mes pa sa e realidad pero ta bay tras di otro nan cu ta dies bisa algo na nan interes y nos ta kere nan. E realidad ta Aruba cu Hulanda ta na mesa y ta negoshando manera dos pais adulto, esaki ta pasa tur dia den diferente puntonan di agenda. Tin algun persona ta categorisa esaki como un pleitamento siendo ta un negociacion tin pa Aruba ricibi un pago husto pa paga Hulanda.
Minister di finansas Xiomara Maduro ta indica no por ta posibel di sinta aki na Aruba y laga staatsecretaris Alexandra van Huffelen papia kico cu e kier y trece hende na Aruba den duda y na mes momento bay atacha locual ta minister president su trabao cu e ta bin ta haci. Pa e motibo aki mes gobierno di Aruba lo bay publica e cartanan tambe pa asina pone Hulanda para street y papia e berdad y no trece mentira padilanti. Den negociacionnan debatenan sano ta importante y no laga Hulanda dies bin dicidi pa nos y of duna nan e poder manera Marisol Tromp kier bende Aruba cu Hulanda.