For di mainta te den oranan laat di atardi Parlamentario Marisol Lopez Tromp tabata na Landsrecherche. Na salida cu e político a dunando diferente medionan di comunicación presente su declaración no por a saca for di dje si e tabata eynan como testigo of como sospechoso. Pasobra e mes tabata contradeci su mes den declaración cu el a duna.
E no kier a bay bisa den ki calidad, sospechoso of testigo, e tabata eynan. Pero a nota cu e tabata visiblemente nervioso y stem tabata tembla.
El a bisa cu den cuadro di un declaración duna door di Haime Croes, el a duna un declaración na Hulandes via di un audio, Según e politico awe e mester a bay Landsrecherche pa wak si e transcript di e audio tabata corecto y si e tabata corecto pa firm’e. Pa repasa e declaración aki, cu tabata un reacción riba loke e director di DIP a bisa, a tuma for di mainta te atardi, prácticamente mas cu 8 ora. Esaki sigur ta lanta hopi pregunta.
E la menciona otro biaha cu Croes a duna un declaración riba e procedura pa cu otorgamento di huurgronden y como e mandatario encarga un tempo cu esaki, e mester a aclaria e situacion.
“Mi ta tranquil y cu consenshi tranquil,” el a bisa, pero no kier a bay den detaye si e ta un testigo of sospecho. Den mesun rosea e ta menciona cu na juni a pidie reacciona riba Haime Croes y awo “mester a repasa su declaración bek” pa firma si e tabata corecto.
Tambe a bisa cu e caso aki ta relaciona cu meldingnan riba otorgamento di huurgrond pa cual a interioga Haime Croes y después a pidi un aclaración di su banda.
Na final e mandatario ta keda sconde kico ta berdad si of no di su status den e caso Kukwisa , na varios ocacion a puntre , pero ta desvia di e pregunta y ta bolbe bisa cu e no ta bay bisa kende ta testigo of sospechoso y ta laga esaki pa na final di e investigación.
