Dia 22 di juli a tuma lugar e exitoso festival di canto dedica na nos inolvidable mama di cultura, Bernadina Growell-Kock. Na e festival a participa 18 cantante acompanja pa 5 diferente agrupacion musical, cualnan ta Grupo Cariño, Tipico Palisia, Grupo Un brindis, Grupo Sonido di Antaño y Tipico Pegasaya. Coro Esacala tambe a hasi un bunita presentacion durante e festival.
Fundacion ta felicita e ganador di e festival sr. Mario Kelly Jr. cu su cancion “Ta abo ta esun” cu Grupo Sonido di Antaño. Di 2 lugar tabata sra. Antonieta Ras Booi cu su cancion “Luna di Plata”. Sra. Booi ta alabes e ganado maximo di e festival anterior. Na di 3 lugar tabata Hubert Ras cu “Wante Mami tur dos” cu e grupo Un Brindis. E cantante mas popular tabata Jhon Freddy Montoya cu “Cunucu di seit”. Dos hoben tambe a participa y a duna un bunita presentacion, esta Gilianny Wester y Edileine Nicolaas, compositor Laika Goeloe – Geerman.
Fundacion Bernadina ta Gradici tur esnan cu a haci e festival posibel. Ta gradici tur musico, agrupacion, cantantenan y juradonan. Ta gradici e publico cu semper ta acudi pa apoya nos cultura y folclore. Ta gradici director di Departamento di Cultura, sr. Siegfried Dumfries y Jhon Freddy Montoya, Setar nv pa su sosten. Special danki na tur esnan cu a traha riba stage, Roland Jansen, Jhon Freddy Montoya, Angela Martines y Eldjean Kock.
Ta gradici alabes voluntarionan Betty Bislick, Lika Goeloe y Okkie Maduro. Tambe tur miembro di fundacion. Pueblo por keda pendiente pa un otro actividad di e fundacion.
