Zr.Ms. Groningen riba dianan 24 i 28 di aprel último a interseptá 2 transporte di droga den Region Karibe.
Ámbos Go-fast a keda deskubrí pa un avion di patruya Merikano, despues di kua Zr.Ms. Groningen a drenta den akshon. Zr.Ms. Groningen a pone kurso pa bai na e go-fast nan i despues a lansa su botonan di intersepshon rápido ku tabatin a bordo Skuadron di Flota di Marina (Fleet Marine Squadron) i Destakamentu di Aplikashon di Lei (LEDET) di Wardakosta Merikano.
Durante e promé akshon e sospechosonan no a entregá nan mes fásilmente. Esei a sosedé despues ku a dispará tirunan di atvertimentu. Durante e di dos akshon esei no tabata nesesario. E kuater sospechosonan i e total di 1072 kilo di kokaina a keda entrega na Wardakosta Merikano. Entretantu e droga a keda destruí i e sospechosonan lo keda pèrsiguí na Merka.
Zr.Ms Groningen for di Aprel 2024 ta aktivo atrobe den Region Karibe. E Barku di Marina Hulandes entre otro ta keda desplegá pa operashonnan anti droga den koperashon diversifiká ku Wardakosta di Merka i Wardakosta Region Karibe Hulandes.
