Parlamento di Kòrsou den e reunion públiko di ayera 17 di desèmber a trata i
aprobá e lei di LOK(lesa Landsverordening op de Kansspelen). Ta trata aki di un lei nobo ku lo
regulá i alabes hasi posibel pa partisipantenan ku ta deseá tin e oportunidat pa legalmente hasi uso
di weganan di plaka online.
E lei aki no ta solamente regulá i promové kresementu ekonómiko, pero tambe LOK ta diseña pa
protehá nos siudadanonan i preservá e integridat di nos komunidat. Ta importante pa rekonosé e
progreso positivo aki, ku Gobièrnu a logra, pa garantisá un ambiente sigur, transparente i
responsabel. E kompromiso pa supervisá, ta reflehá nos dedikashon, pa krea un industria ku tin
komo prioridat e bienestar pa e pueblo di Kòrsou.
Nos mester keda alerta pa mantené nos bentaha kompetitivo den merkado global, pa asina
garantisá ku e industria ta keda kompetitivo i alabes sigui standardnan internashonal pa anti
labamentu di plaka.
Por último, nos no por lubidá e potensial ku e ingreso, ku ta generá fondo pa invertí den
programanan sosial, deportivo i informativo ku ta benefisiá nos pueblo.
Komo parlamentario ku a sostené e lei di LOK ku ta bon i ku ta generá plaka den kaha di
Gobièrnu, mi no por imaginá mi, ku por tin un parlamentario kontra di e lei noble aki.
Mi ta felisitá tur frakshonnan den parlamento ku a duna nan aprobashon pa ku e Lei, minister
Silvania i gabinete Pisas 2 ku a introdusié e Lei i tambe tur ku a aportá na lei di wega di plaka
LOK aki ku e mira ku sano huisio, prevalesé pa ku desaroyo ekonómiko di nos komunidat ku
hopi benefisio tantu pa Kòrsou i ku kaha di gobièrnu di Kòrsou.
Maria Nita ta felisitá Minister Silvania pa e echo ku e lei di LOK a keda aprobá ku mayoria den Parlamento di Kòrsou
