Awe den parlamento di Aruba a trata e ley di plan di mayor. Esaki ta un ley importante pa e relacion di e mucha cu e mayornan. Den e ley di plan di mayor ta bay stipula legalmente den cuadro di parehanan , famianan , mama y tatanan cu ta divorcia con nan lo bay sigui cu e guia y kende ta esun cu ta haya e voogd di e muchanan. Tin diferente situacionnan na momento cu presenta un divorcio. Lo mester dicidi unda e mucha nan lo bay keda y cuanto dia nan lo keda na cada mayor. Tambe mester palabra kende lo busca e muchanan na scol, ken ta paga pa alimentacion y kende ta paga pa scol. Tur e partinan aki ta bay keda trata legalmente pa mayornan divorcia. E mayornan divorcia lo mester traha un plan pa asina sigui e plan aki na decisionnan cu nan ta tuma conhuntamente.
Tambe tin categoria nr2 unda cu un mayor kier coopera y e otro no kier coopera y aki ta caminda cu ta haya un persona na loket di plan di mayor lo intermedia pa asina yuda e mayornan pa yega conhuntamente na e plan.
Tambe tin categoria nr3 unda cu yun di e dos mayornan no kier coopera cu otro pa yega na un plan di mayor. Aki ta caminda cu ta bay yega na un mediacion hopi mas intensivo caminda cu ta bay yuda e mayornan unda cu ta guia nan pa hunto nan traha na bienestar di e muchanan y di e yiu nan pa sain despues di e divorcio con e yiunan ta bay sigui padilanti.
E ley di plan di mayor ta un necesidad, esaki ta debi cu hopi biaha bo ta wak cu ta e muchanan ta esun cu ta perhudica. Ta e muchanan cu despues di divorcio ta esunnan cu ta keda perhudica. Tin momentonan cu tin mucha cu kier sea keda serca nan tata of nan mama pero hues kisas lo a dicta diferente, pero cu e plan di mayor e muchanan ta wordo scucha y sa kico ta e deseo di e mucha tambe. Loke cu mester keda bon cla cu ta tanto e mama y e tata tin e derecho pa sigui educa e mucha.
Den e proceso di divorcio Hues lo bay wak e plan tambe y abase di e plan hues ta bay dicta. Na momento cu Hues mira cu kisas 30% ta di e tata y 70 % di e mama ta trata di tin un balanse den esaki caminda cu e ta mas husto pa e mucha y e mayornan unda cu e mucha ta pasa e mes un tempo tanto cu e mama y e tata. Tambe e mama y e tata lo mester carga e mes un hopi responsabilidad despues di divorcio. E mester ta husto pa cada mayor.
