Diaranson ultimo a keda extradita pa Corsou y despues pa Hulanda Dennis Goedee y Urvin Laurence Wawoe, mas conoci como Nuto, a keda aproba pa Korte Supremo den Republica Dominicana. E fugitivonan peligroso aki, vincula na organisacionnan mafioso envolvi den asesinato y trafico di droga, a purba pa un aña largo pa evita nan entrega na Hulanda y a huy bay Republica Dominicana y sconde na e Pais .
Dennis Goedee y Urvin Laurence Wawoe a perde nan lucha pa evita extradicion na Reino Hulandes. Hulanda a pidi nan extradicion a base di acusacionnan, entre otro di a planea pa secuestra prinses Amilia y e prome minister Hulandes, Mark Rutte, segun Diario Libre di Santo Domingo ta raporta ultimo. E extradicion a tuma luga cu ekiponan di inteligencia, recherchenan, polisnan special ,helicopter y a keda translada pa aeropuerto na Republica Dominicana y e avion a sali rumbo pa Corsou y despues nan a pone ambos den un avion priva cu ta rumbo pa Hulanda.
Den e operativo di Custodia y Traslado di Personal di Alto Riesgo a participa mas di 70 miembro di unidad specialisa di DNCD y arma, fiscal, personal di apoyo y inteligencia, un helicopter, como tambe miembronan di Cuerpo Specialisa di Seguridad di aeropuerto , autoridadnan a indica den un comunicado. A base di decretonan number 288-24 y 220-24, Dennis Goedee y Urvin Laurence Wawoe a wordo extradita pa Hulanda pa nan por contesta e acusacionnan contra nan.
E stranheronan a ser entrega na e autoridadnan di Hulandes na Corsou y despues a subi un avion priva pa Hulanda. Goedee y Laurence Wawoe a ser aresta na april 2023 pa nan vinculacion na e structuranan criminal conoci como “La Mocro Mafia” y “No Limit Soldier”, pa narcotráfico, labado di activo y otro crimen, incluyendo asesinato, secuestro, soborno na funcionarionan publico, tiroteo contra abogado di testigonan protegi, y hasta menasanan na prome minister Mark Rutte y e prinsesa heredero Amalia. Na nan yegada na Hulanda nan lo mester bay duna cuenta riba nan actonan. Foto : Listin DIARIO
