Sera cu ‘Woman of the match” di wega di damas entre Aruba y El Salvador pa cualificacion di Concacaf Road to Australia and New Zealand.
Lyxienne Loopstok a cuminsa den futbol cu su 4 anja den equipo di Dakota, e la hunga tur position den Lifida.
Ora Dakota a lanta su equipo di damas, Lyxienne a dicidi cu e ta bay den e categoria di damas y asina e la cuminsa como defensa.
Despues di practica pa un tempo, e la dicidi cu e lo bay defende goal pa motibo cu su equipo Dakota no tabata tin keeper, despues di esaki e no a sali for di gol mas.
Lyxienne no ta un desconoci den porteria e la debuta pa prome biaha na 2014 cu su 14 aña como prome keeper di seleccion damas, na 2018 y 2019 un bes mas e la ser selecta pa hunga den Womens’ World Cup Qualifying
Despues di wega nan den exterior contra El Salvador a nota tremendo prestacion di nos portero Lyxienne cu a sa di defende e gol cu alma y cuerpo, bringando pa tene tur bala pafo di e net. Lyxienne a sa di representa Aruba y defende su team teniendo goalnan afo.
