E mocion cu ta ser bisa cu ta keda carga pa 15 parlamentario ta un mocion cu inicialmente ta keda carga solamente pa cambio riba taxi meter. E tres puntonan di mas prome cu ta esunnan di mas importante ta 1)implementa un instrumento sea ta uzo di taxi meter of un lista di tarifa na gobierno oficial cu un base legal adecua. 2) Pa determina e tarifanan exacto despues di deliberacion cu stakeholders y pa prepara y presenta un revision di legislacion di transporte publico dirigi na modernisacion y optimalisacion como punto di salida reglanan rasonabel pa esunnan cu ta haya e permiso, bon servicio pa usuario, oportunidad pa un ciudadano por yega na remarca pa un permiso di transporte publico y eficiencia.
Lider di fraccion di MEP Hendrik Tevreden kier para keto un rato riba e mocion unda cu e contexto di e mocion ta bay riba taxi meter, esaki a bin debi cu tabatin taxistanan e tempo ey cu tabata abusa di prijs y e momento ey tur hende a reclama incluyendo taxistanan mes ta duna di conoce cu esey no ta e forma di opera unda cu ta cobra turista mas cu e prijs ta.
E situacion aki parlamento e ora ey den su rol a haci cu a entrega un mocion y a pone mas punto den e mocion tambe. E cobransa husto cu e taxinan por cobra un turista ta para den e landsverordering persoon vervoer artikel 27 cu ta e esencia primordial di locual ta e mocion presenta den parlamento y no loke cu Minister Ursell Arendes a trece padilanti.
Nos no mester lubida cu na 2022 e prijstlist di taxi a caduca y na unda cu turistanan a reclama cu tin taxinan ta cobra prijs mas halto di locual cu nan ta custuma di paga y e mocion ta dirigi den e contexto aki tambe.
Tampoco no mester lubida na e urgencia cu tin na gobierno pa busca pa yega na reglanan rasonabel pa e “vergunninghouder” y locual cu a keda presenta door di minister di transporte den e ultimo dianan aki no ta acapara reglanan rasonabel pa “vergunninghouder “, segun Tevreden pa por yega na reglanan rasonabel tin cu pertenece den dialogo, esey no kiermen cu ta bay ta diacuerdo cu otro, pero den dialogo por yega mas cerca di otro y yega na un regla mas rasonabel pa cu otro. Taxistanan tambe mester duna di nan parti y mantene nan mes na e reglanan cu tin y no haci actonan contra di ley y regla.
