Minister di Turismo y Salud Publico Dangui Oduber den conferencia di prensa a elabora riba digitalisacion pa permiso di diferente permiso. E Landsverordering Insteling Ministerie di Tursmo y Salud (LIM) ta esun cu ta encarga cu otorgacion di diferente permisonan pa loke ta trata horica y hotel.
E ministerio ta encarga pa por duna diferente vergunningnan. Sinembargo den e prome gabinete caba a haci diferente ehercicio nan pa asina mira kico por haci pa duna un miho servicio na clientenan di gobierno, na comerciantenan na momento cu nan ta haci peticion pa diferente permiso nan y tambe kico por modernisa, cambia y adapta pa tin un miho structura y un miho servio mas rapido y eficiente.
Sinembargo despues di diferente ehersicio cu a keda haci a conclui cu un di e redtape nan grandi ta e manera con e proceso ta hinca den otro na e momentonan aki. Actualmente tur proceso cu ta encamina pa haya cualkier un di e permisonan aki ta bay manual unda cu mester yena un formulario controlnan mester keda haci door di diferente departamentonan y ora cu e ta positivo e ora e establicimento ta bin na remarke pa un di e permisonan cu a la haci peticon pe.
Minister Dangui Oduber ta duna di conoce cu mester bin un cambio y lo haci cambio unda cu lo modernisa henter e proceso y lo digitalisa completamente pa asina facilita e cliente y facilita e comerciante cu no mester bay diferente departamentonan y puntra riba e update unda cu e permiso por ta.
Sinembargo ya caba e proceso aki a cuminsa y e lo mester cana segun e schedule pa asina na e di 3 of di 4 kwartaal di e aña aki gobierno lo ta cla cu e proceso aki y e comerciante lo por haci su peticion online via di un webportal y e mes por tin bista unda su permiso ta y na momento cu e ta cla e lo por ricibi su permiso online tambe. Di e manera aki ta elimina redtape y burocracia, pero alabes ta duna un miho servicio na comerciantenan cu ta haci peticion pa cualkier un di e permisonan.
Na momento cu ta cla cu e sistema di digitalisacion lo pone e departamento cu ta encarga cu hygenie pa haci e controlnan necesario conhuntamente cu polis y brandweer y haci e departamento sui-generis pa asina traha mas eficiente y transparente pa cu e clientenan.
Di e manera aki tambe ta drecha e clima di haci negoshi aki na Aruba. Tambe kier yega na datanan di tur e permisonan. Cu e cambionan aki gobierno ta ehecutando e puntonan di accion di e rapport cu a keda traha algun aña atras door di Aruba Turism Authority (ATA ) cu yama “Mira pa Futuro”, pero tambe ta ehecutando den loke ta para den e landspakket.
E sistema aki tambe ta pone pa tur esnan cu den ultimo añanan a opera sin ningun vergunning , pero awor si lo mester cumpli cu tur e rekesitonan cu tin den cualkier permiso cu ta keda otorga y pa asina gobierno tin un miho control pero tambe un miho supervicion riba e cantidad di permisonan cu a keda entrega den caso porehempel un hotelvergunning na unda cu ta haya un permiso di hotel pa opera tanto cantidad di camber, pero den practica ta mira cu hotel tin mas camber di loke nan tin permiso pe.
Di e manera aki Minister Dangui Oduber ta kere cu lo elimina e redtape y e burocracia cu tin. Ta spera cu lo por cuminsa cu e sistema aki den e di 3 of di 4 kwartaal. Tambe ta bay tin un live chat y un helpdesk riba e webportal pa di e manera aki asisti tur e comerciantenan.
