Director di Archivo Nacional Raymond Hernandez ta sumamente contento cu ta presenta e simposio cu lo cuminsa dia 8 pa 12 di April proximo. Desde cu e traha riba e concepto di coleccion.aw cu ta online for di aña pasa caba a sigui traha riba diferente otro partinan. Tambe a presenta e concepto den un plataforma den Caribe aña pasa, pero tambe a presenta e plataforma na st Maarten den un seting riba e discusion di sclavitud.
Sinembargo como coleccion Aruba a dicidi pa e plataforma kier haci algo pa mustra Caribe Hulandes tin un potencial den loke cu a keda crea. Den cuadro di esaki a dicidi cu lo organisa un simposio cu ta un siman di actividadnan cu ta trata e topico “ dicon nos ta conecta”. E informacionnan di herencia cultural di tur e islanan di Caribe, pero tambe di e material cu ta na Hulanda y mustra con por interconectanan den un forma digital. Segun Director di Archivo Nacional Raymond Hernandez pa e motibo aki ta organisa e evento cu yama “Dutchcaribbean Digital Heritage week.
E prome dos dianan ta pa un publico mas grandi unda cu a haci un simposio pa dos dia na unda cu ta bay hopi informacion entre otro riba nos propio plataforma unda cu ta mustra esaki como modelo. Banda di esaki tambe lo ta bay tin informacion di diferente instancianan tanto Mericano cu den e caso aki ta internet archive cu ta e plataforma cu ta carga e coleccion.aw, pero tambe tin diferente instancianan Hulandes cu tambe ta bishita pa asina hunto por mira kico conhuntamente por haci pa e situacion den Caribe y pa asina yega na un nul meting pa asina mira te na unda e colaboracion por yega conhuntamente.
Actualmente tin yen di reunionnan interno cu ta tumando luga pa asina discuti ki forma di colaboracion por tin pa asina por mira con un plataforma manera colecion.aw por funciona pa Caribe Hulandes.
Banda di ta lansa e website den su bachi nobo tambe kier logra pa fortifica e cooperacion den Reino Hulandes pa medio di e intercambio digital di material nan historico cultural pero tambe informacionnan cu a sali caba riba e plataforma di colecion.aw.
E meta ta cu den un solo plataforma tur hende por yega na informacion di Aruba. E bunita di e caso aki ta cu tin tambe e parti cu otro islanan tin informacion di nan riba nos website y cu nan ta uzando esey na e momentonan aki. Riba e prome dia di e conferencia lo bay mustra con por sigui famianan, lo cuminsa cu e registro di esclavo, pero tambe otro famianan.
Den e parti aki tambe lo trata di convence e otro islanan pa tin e partinan aki tambe online y hacie accesibel unda cu nos por sigui famianan di otro cu e speransa cu den full Caribe nos lo por logra conecta tur e islanan, paisnan y regionnan hunto. Segun Director di Archivo Nacional Raymond Hernandez si por conecta tur e informacionnan aki hunto, e ora por sigui nos rootsnan di unda nos ta bin y unda nos ta bay.