Camara di comercio a compara e forsa laboral di aña 2010 cu 2022, a tumanota cu e cantidad di e hendenan bao di 49 aña a baha cu 12 mil hende unda cu ta conduci cu nos tin menos hendenan jong den nos forsa laboral y mientrastanto edad riba 50 aña a subi. Tin un grupo di 65 aña bay ariba ainda ta traha.
Segun Director di KVK Martijn Balkestein den 10 aña nos dilanti tin un cantidad di mas di 12 mil hende lo bay Sali for di e forsa laboral debi cu nan ta baha cu pension y no tin hende pa reemplasa nan.
Mirando e situacionnan aki Camara di comercio a tuma un decision cu lo cuminsa conecta cu e sector economico y via di e encuesta cu tin lo haya un idea di e intensidad y grandura di cua sector lo wordo afecta. Na momento cu haya e resultadonan aki lo mester papia cu gobierno pa avisa kico ta e situacion. Ta importante tambe pa conecta cu e otro banda di medaya y esaki ta esunnan cu ta buscando trabao. Ta importante pa midi entre esunnan cu no ta haya trabao y asina scucha di nan tambe kico por ta un idea cu nan por tin pa mehora e parti aki.
Camara di comercio a cuminsa pone man na obra unda cu ya caba a conecta cu diferente stakeholders debi cu e problema cu tin actualmente no ta problema di KVK so , pero e ta problema di nos tur cu ta dunado di trabao, pero tambe pa e empleadonan y pa full Aruba debi cu no por fungi optimal na momento cu tin un “ labor shortness” . E peliger di esaki ta cu e prijsnan lo subi di otro banda, pesey mes ta importante pa conecta cu e stakeholdersnan pa sa kico ta nan opinion y pa asina hunto trece un solucion pa Aruba.
