Parlamentario Endy Croes: vivienda y tereno ta keda un prioridad
Parlamentario Endy Croes a expresa su precupacion alrespecto vivienda y tereno. Tin un retraso masha hopi e concepto manera actualmente Infrastructura ta operando. Burocracia esta “Red Tape” mester wordo elimina y lo bira e e punto promordial den e promer lunanan di e siguiente gobernacion.
/// Atencion mester ta enfoka riba e hende y den 90 dia mester tin contesta:
Listanan di espera pa otorgamento di tereno sea erfpacht of comercial, pa cambio di destinacion, pa prolonga erfpacht, pa haña un huurgrond, pa haña permiso pa construcion entre otro ta demaciado largo. Lo revisa henter e departamentonan aki den e promer lunanan di e siguiente gobernacion y lo bin cu cambionan na fabor di comunidad. Lo trese un “shift” den henter e departamento di Infrastructura riba e manera di ofrese servicio. Nos mester brinda un servicio excelente y rapido. Esaki lo crea un desaroyo economico solido pa Aruba cual na su turno lo crea hopi cupo di trabou. Terenonan comercial mester sali rapido den combinacion cu aanleg vergunning y bouw vergunning pa construcionnan y of proyectonan por inicia. Terenonan di erfpacht mester wordo actualisa, cambio di huurgrond pa erfpacht cual tin hopi aña pega y retrasonan grandi mester wordo agilisa. Den 90 dia maximo un cuidadano, comerciante y/of tur peticion mester haña un contesta.
/// Banda di “shift” mentalidad lo concentra riba automatisacion:
Automatisacion lo bay hunga un rol importante. Lo automatisa procesonan na departamentonan di Infrastructura, manera DTI, DNM,DLV,DIP y DOW. Esaki ta pa logra mas eficiencia den e departamentonan menciona. Alaves esaki lo percura pa mas transparencia y coherencia den e procesonan unda e meta final mester wordo sirbi esta un mihor servicio na cada cliente. Asina lo concentra mesora tambe pa elimina tur retrasonan existente. Lo percura pa fortifica departamentonan den tur sentido. Parlamentario Endy Croes ta kere fervientemente cu hasiendo e adaptacionnan aki eliminando tur Red Tape cu awor ta un estorbo lo juda Aruba mesora den e fase di recuperacion. Esaki mas bien a bira awor un necesidad. Cu cooperacion di un y tur nos lo logra.
