Te ainda minister di transporte su pensamento ta pa empodera cada taxista pa nan ta mas consciente cu ta un negoshi nan tin y nan mester sa con pa atende cu esaki.
Segun Minister Ursell Arends cada un di nan mester sa con pa atende cu nan belasting y nan pensioen . Pa loke ta trata DTP ta duna nan personal y e toolsnan pa asina e controlnan keda haci y asina tambe pa garantisa cu e taxistanan ta ehece loke cu e ley y maneho ta prescribe cu nan mester mantene na esaki. Ta importante pa impodera tur e taxistanan cu tin un permiso y duna oportunidad igual na tur persona cu ta desea di yega na un permiso.
Na e momentonan aki no tin ningun pensamento pa crea DTP un central unda cu ta bay duna nan mas responsabilidad cu kisas nan no ta ekipa pa por ehece nan trabou, pero ta kere pa impodera cada taxista pa nan duna un servicio di calidad pa cumpli cu tur e rekesitonan cu ley ta prescribe pa asina nan ta taxistanan independiente.
