Durante Conferencia di Prensa di Gobierno di Aruba, Minister Rocco Tjon a trece padilanti y a clarifica riba e situacion di Helicopter di Cuerpo Policial. Segun e mandatario lo a Sali afo tocante un persona cu lo ta traha cu e compania di cual a lease e helicopter aki, lo a ser captura pa husticia.
Ta asina cu na momento cu nos a haya sa e informacion aki, na comienso di 2022, tocante e persona en cuestion aki, Gobierno di Aruba mesora a haci su “due diligence” pa sigura cu e compania en cuestion ta cumpli cu e rekisitonan hancra den e contract. Di cual un di nan ta cu nan mester ta “in good standing” pa loke ta e parti hudicial. Pues, esaki a resulta di ta e caso cu en berdad, e persona no ta doño ni shareholder di e compania, pero solamente un trahado, cual por cierto na december 2020 su relacion di trabou cu e compania a termina. Pais Aruba no a firma ningun acuerdo tampoco cu e persona aki.
Adicionalmente, mi a solicita un reunion cu Parlamento di Aruba, pa asina nan mes por haya un aclaracion detayadamente, y asina wak pa nan mes cu e compania ta in good standing, y cu e persona en cuestion no ta shareholder, y tampoco a firma nada cune. Na mes momento Minister Rocco Tjon lo comparti tambe tur e documentonan y corespondencia cu a ricibi cu Parlamento.
