.
Mester crea un separacion incopilacion husto na momento cu ta papia di tratamento di presupuesto, CHE y OWO , esaki ta loke Señora Ruthmila Larmoni Cecilia lider di Partido nacional di Pueblo (PNP) ta duna di conoce cu na e momentonan aki Corsou ta tratando dos punto sumamente importante pa pais , un di nan ta e presupuesto y e OWO , Segun lider di partidi PNP mester wak si na dadomomento mester pone e dos asuntonan aki hunto.
Segun lider di PNP na momento cu ta trata presupuesto di PAIS e ta mara na e maneho cu ta desea di hiba. Awor e pregunta di oro ta nos ta bay trata e presupuesto di Corsou, pero cua ta e maneho cu ta bay ser hiba , pues cua maneho ta bay ta esun cu ta bay hiba e presupuesto cu lo bay keda trata den parlamento di Corsou.
E maneho cu tin implementa den e CHE awor aki (ojo) of un maneho di gobierno. Segun lider di PNP gobierno ta bezig ta drei rond y ta wak cu tin mester di un indjeccion finansiero y esey ta significa cu Corsou ta bay diacuerdo cu loke cu tin riba mesa. Si mester tuma nota ta mira cu lo bay injecta 20 miyon euro den nos enseñansa , pero e pregunta ta kico ta e vicion cu nos tin pa cu nos enseñansa , cua direccion lo bay cu enseñansa .
Segun lider di PNP si no tin e vicion aki , atrobe Corsou ta bay ricibi un montante di sen y bo no sa kico bo ta bay haci cu ne. Sea of na ultimo ora ta bolbe busca amiga y amigonan pa traha un concept plan pa cu enseñansa y na momento cu mester bay implementa atrobe fondo ta laga e studiantenan na caya.
Lider di PNP ta haña cu e manera cu gobierno ta atende cu e comunidad di Corsou no ta un manera usual cu ta trata. Un gobierno mester tin su vicion cu su plan y despues ta bay mira con ta haci pa finansia esaki pa despues bay implementa e plan .
Sinembargo na e momentonan aki ta busca placa y despues ta busca un manera pa wak con ta haci cu vicion y implementacion. Segun lider di PNP na e momentonan aki e situacion a bira mas confuso debi cu no tin claridad mes mas kico ta bay haci. Tampoco lider di PNP no sa si enseñansa cu a indica cu ta prioridad , no sa ki efecto e ta bay tin pa loke ta trata riba e area di salubridad. Lider di PNP ta kere cu e gobierno actual mester bin afo cu mas claridad. Ta importante pa gobierno ta transparente.