Lion Ivan Croes di 4 gobernador di Districo cu ta sali di Aruba Lions Club y e prome desde cu ALC ta cay bou di Merca

Aruba Lions Club durante di e 75 aña a conoce gobernadornan di districto y na aña 1964 tabatin e prome gobernador di districto cu ta sali di Aruba Lions Club cu tabata Lions Marugg, na 1985 Lion Elias Fingal, na 1999 Lion Frank Croes cu tambe tabata un gobernador di districto y un charman consul. E tres gobernadornan aki tabata tempo cu Aruba Lions Club tabata cay bao di Venezuela .

Na 2017 a keda aproba cu Aruba Lions Club ta bay cay bao di Merca, e districto a bira Florida ,Bahamas, Boneiro y Curaçao cu Aruba ta cay bao di dje. E districto aki Presidente di Aruba Lions Club Rubin Ponson orguyosamente ta anuncia cu Aruba un biaha mas despues di mas cu 20 aña un otro gobernador Arubiano ta keda nombra.

Lion Ivan Croes ta di 4 gobernador cu Aruba tin, pero e ta e prome gobernador desde cu Aruba Lions Club ta den e districto di Merca, Florida. Recientemente Ivan Croes a keda nombra pa e aña lionistico cu ta bay drenta y na juni proximo Lion Ivan Croes ta keda instala oficialmente na e internacional convention cu e aña aki ta bay ta na Boston. Pa Aruba Lions Club esaki ta un honor y ta masha contento cu e nombracion aki y alabes Aruba Lions Club y Aruba su nomber lo keda resona internacionalmente.

Tambe na e mes un momento tin diferente miebronan ta haya nan award di e cantidad di aña cu nan ta forma parti y ta miembro di Lions Club internacional. Tambe recientemente a ricibi un award for di e past president Lion Magali Franken pa club excelente , esaki ta debi cu e club a cumpli cu cierto rekisitonan como un bon trabao den su aña presidencia.