Partido PIN ta di opinion cu gabinete Pisas mester busca mas personal pa yuda den e situacion di Curacao Medical Center (CMC) . Lider di Partido PIN Suzanne Camelia Römer ta duna di conoce cu e director di CMC a duna un entrevista den cual cu e la señala cu e situacion na CMC ta serio y cu si mester sigui asina lo mester lo e por bira codigo preto.
Na momento cu anuncia codigo preto ta significa cu e dokter di cuido intensivo lo mester determina abase di un guion cu tin, ken por drenta cuido intensivo haya cuido y kende tin cu laga bay. Na momento cu mester laga un hende bay e tin hopi chance cu e por muri.
Segun lider di PIN e proceso di codigo preto ta cuminsa ta laga esunnan cu mester bay den un tempo cortico den cuido intensivo despues ta sigui cu trahadonan den cuido di salud despues ta sigui edadnan di 0 pa 20 , 20 pa 40 , 40 pa 60 ect ect y kisas na 70 aña no ta tuma ningun hende mas.
Codigo preto ta un situacion sumamente tragico pa un pais haya su mes den dje. E situacion di pandemia mester keda afo di politica y cuminsa percura pa bo salud y evita e contagio di coronavirus, pa haci esaki tuma tur e medidanan cu tin na serio.
Un di e puntonan cu sigur ta importante ta e aglomeracion di hende y evita bailamento unda cu e contagio ta sosode facil. Loke cu ta un realidad ta cu desde cu COVID a drenta Corsou hopi hende a muri y Corsou a pasa den un situacion hopi tristo.
Ta kere ta importante pa Corsou pidi asistencia na pia di trabao, e tempo ey tabatin 150 persona extra di afo cu a bin yuda y awor aki 140 a bay bek y 10 mas ta bay final di luna. Segun lider di PIN mester reactiva e asistencia via di un peticion.
Ta importante pa pone den un balance unda cu ta pidi mas hende di otro banda hiba un maneho cu ta baha e posibilidad di contagio . Tambe loke ta hopi importante ta pa stimula vacunacion mas di loke ta sosodiendo na e momentonan aki.
1 comment
[…] Source link […]