Leonardo Figaroa di partido Dialogo y progreso sostenibel PDP tabata presente den tur e protestanan di e taxistanan y ta analisa henter e situacion y por a tuma nota cu hopi hende ta pinta e taxistanan general cu e taxistanan ta keda pinta hopi negativo.
Sinembargo e punto di salida di e politico Leonardo Figaroa ta hopi simpel y a pasa door di e ley nan di e Landsverordering persoon vervoer cu minister Ursell Arends ta traha cu ne. E Landsbesluit persoon vervoer y e Landsbesluit commissie personenvervoer.
Na momento cu mira esaki por realisa loke cu e mandatario ta hincando den e maneho ta contra di e ley y si dado caso kier cambia loke cu e mandatario ta proponiendo den e maneho e minister mester bay staten, segun Lider di partido Dialogo y progreso sostenibel PDP Leonardo Figaroa . E situacion aki ta mustra comosifuera cu minister kier baila parlamento rond.
E berdad ta cu na e momentonan aki tur hende ta den reces y ta kere cu e minister a uza esaki como un oportunidad. Lider di partido Dialogo y progreso sostenibel PDP Leonardo Figaroa ta lamenta cu ningun minister a duna cara na e taxistanan. Sinembargo e hoben politico a tuma contacto cu parlamentarionan independiente den parlamento pa asina yama minister di transporte den parlamento mas urgente cu ta posibel.
Na mes momento e hoben politico ta kere cu dialogo ta importante e representantenan di taxi tin 2 ora y mei cu a reuni cu parlamento y na momento cu nan a Sali no a yega na nada y e mandatario a keda para cu e no lo pone e 2 MB onhold.
Pa Lider di partido Dialogo y progreso sostenibel PDP Leonardo Figaroa straño ta dicon minister no ta bay parlamento dibiaha cambia e ley pero cu ta tuma un decision abstracto via di un MB pa cambia un maneho. Combersando cu e taxistanan por a compronde cu tin hopi otro temanan hopi mas importante porehempel cu e taxistanan no tin un vangnet si nan no traha nan no ta cobra, prijs di inflacion, prijs di gasolin, prijs di nan auto, prijs di nan seguro unda cu tur cos a subi pa e taxistanan. Lider di partido Dialogo y progreso sostenibel PDP Leonardo Figaroa ta kere cu enbes di atende cu e problemanan cu tin pa busca un dragvlak pa yuda e taxistanan bay padilanti.
Mirando e situacion cu ta pasando Lider di partido Dialogo y progreso sostenibel PDP Leonardo Figaroa ta kere cu minister Ursell Arends mester tuma honor na su mes y e bay cas, e situacion aki e awa a pasa hariña unda cu hopi biaha minister ta hunga arogante, pero e speransa ta keda cu parlamento por tene e minister responsabel pa loke ta pasando unda cu e taxistanan ta den un certidumbre innecesario.
Pa Lider di partido Dialogo y progreso sostenibel PDP Leonardo Figaroa ta kere cu ta hopi importante pa traha e proteccion pa e taxistanan y no bin menasa e taxistanan cu ta kita nan permiso. E politico hoben kier sa kende ta esunnan cu e mandatario a priminti cu lo duna permiso di taxi cu ta pone tanto esfuerso asina aki pa asina e por garantisa su votonan. Ta kere cu parlamento mester haci su trabou, manda yama e mandatario paso ta pueblo a pone minister Arends eynan y ta pueblo por bahe.