Despues cu partido RAIZ a reuni den partijraad extraordinario nan a sali pafo pa asina nan duna nan punto di bista riba decision cu nan tin pa presidente di parlamento . Lider di Partido RAIZ Ursel Arends a vocifera cu nan tambe kier pa pueblo sa kico ta e posicion di partido RAIZ .
Segun lider di Partido RAIZ e motibo pa kico ta na e situacion na e momentonan aki ta pa motibo di liderazgo y tambe imparcialidad di e presidente di parlamento caminda mas cu mita a expresa y como RAIZ no kier bay den discusion di esaki.segun lider di RAIZ Ursel Arends,
Pa e motibo aki a dicidi di acerca partner di coalicion pa nan como MEP presenta un otro candidato y fraccion di RAIZ lo sostene esaki e ora. Esaki ta loke cu e informa partido MEP.
Segun Lider di RAIZ nan ta tuma nan responsabilidad na serio y lo ta trahando na bienestar di Aruba y ta kere cu ta importante pa bisa cu na ningun momento RAIZ kier kibra e acuerdo di gobernacion. Partido RAIZ ta na altura cu e acuerdo di gobernacion tin e voorzitterschap, pero pa motibo di e manera di liderazgo y imparcialidad a pidi partner den coalicion pa presenta un otro nomber y asina parlamentario di RAIZ lo sostene e otro candidato cu ta miembro di parlamento pa asina por termina e 4 aña di gobernacion pa sigui traha na bienestar di pueblo di Aruba segun Lider di partido RAIZ.
Pa partido RAIZ e compromiso cu Aruba ta serio y ta asumi responsabilidad y ta sigur cu ni MEP y ni RAIZ y e pueblo di Aruba kier un eleccion na e momento aki pero si eleccion bin mañan partido RAIZ ta cla pa eleccion tambe.