Den conferencia di prensa di partido PPA secretario general di partido PPA Otmar Oduber ta elabora riba algun punto di nan programa “Plan nos Aruba 2025-2050”. Ta importante pa ciudadano nan di Aruba tin e vision di kico partido PPA ta para pe na momento cu ta trata riba e relacion cu Hulanda den e proximo añanan. Actualmente tin un frustracion entre Den Haag cu Oranjestad, pero partido PPA ta kere cu ta hopi importante pa pueblo sa kico partido PPA ta para pe y den e caso aki no ta para pa e RAFT cu Hulanda kier pone pa Aruba. Na mes momento ta lamenta expresionnan di politiconan nobo cu ta yama nan mes di e generacion nobo cu no sa y no ta imagina kico tur Aruba y of e islanan den Antias a pasa bou di Hulanda. Lider di partido PPA Otmar Oduber ta recorda Lider di FUTURA cu Otmar Oduber no a firma nada y cu a retira for di gobierno for di aña 2019.
Lider di partido PPA ta recorda lider di FUTURO cu Otmar Oduber no por a firma RAFT na 2020 si tabata for di politica na 2019
