Partido MEP e partido di mas grandi na Aruba tambe a bay haci entrega di su lista, lider di partido Evelyn Wever Croes a tuma e decision pa haci esaki na e manera tradicional y asina tambe a sigui mustra e forsa di partido MEP como e partido di mas grandi na Aruba.
Den un caravana por a mira e cayanan completamente geel geel, despues cu lider di partido Evelyn Wever Croes a haci entrega di e lista e ta vocifera cu tabata un dia cu Aruba ta celebra democracia. E eleccion aki no ta bay ta uno facil , pero loke cu ta sigur ta cu cada reto ta duna oportunidad nobo.
Lider di MEP Evelyn Wever Croes ta indica cu nan colega Glenbert henter MEP tin e deseo pa e tabata riba lista, pero a respeta su decision como politico y e kier traha riba su caso unda cu e kier mustra su inocencia y e la dicidi di hala atras paso e no kier pa tin ningun mancha riba partido. Despues e mocion di desconfiansa cu a pasa pa minister Endy Croes tambe ta un momento cu mester para keto un rato. Sinembargo tur e accionnan aki contra di MEP a haci partido MEP hopi mas grandi.
Personalmente lider di partido MEP ta gradici tur esunnan cu a trata di kibra MEP, awe por bisa nan danki cu nan a haci partido MEP hopi mas grandi di loke cu e ta. Lamentablemente politiconan cu tin mal intencion cu partido MEP no a logra cu nan maldad.
Por bisa cu partido Electoral di Pueblo ta e partido cu a trece y presenta e miho lista politico,na cantidad di hende, na calidad di hende, hende homber , hende muhe, personanan cu experiencia y cu curason pa Aruba. Loke por bisa si cu na momento cu a pone un mocion di desconfiansa na minister Endy Croes hopi ta e hobennan cu a acerca partido MEP y ta rabia cu e acto aki. Esaki ta muestra cu e generacion nobo no ta aproba loke cu a pasa den parlamento. Cada reto ta bini cu oportunidad y esaki nan sigur ta positivo pa partido MEP.
E partido cu semper a descarta pa traha cu nan ta partido AVP den e liderazgo cu tabatin debi cu nan ta un partido cu ta brasa corupcion. Lider di partido MEP ta kere cu partidonan grandi semper ta bay pa e mayoria absoluto, pero mester scucha di pueblo paso na fin di dia pueblo ta bo hefe y e ta dicidi. Partido MEP a hiba dos eleccion tras di otro unda cu pueblo a pidi pa traha den un coalicion, partido MEP no a core pa e reto , pero na 2017 no ta MEP a gana pero ta AVP a gana, pero nan como AVP si a laga sa cu nan no lo traha den coalicion y e ora a pidi MEP pa forma un coalicion. Asina a forma e prome coalicion y a respeta e decision di pueblo.
Lider di partido MEP Evelyn Wever Croes kier pa pueblo ta bon consciente pa kico y pa ken lo vota y tin un mandato cla kico mester haci cu Pais Aruba. Pueblo por mira y midi di su mes awo cu e por wak y sa e pensamento di e politiconan cu tin , principalmente e nobo, chikito pero cu ta carga un rabia y rincon sumamente grandi unda cu unico cos cu nan kier manda minister cas , bula nan cabes y no ta trata di traha hunto na bienestar di pueblo di Aruba.
Partidonan politico chikito ta traha cu negativismo constantemente y sigur esaki no ta bon pa Aruba. Partido MEP ta wak padilanti unda cu a pasa retonan grandi unda cu a goberna Pais Aruba den e reto di pandemia di mas grandi di mundo y a sa di saca Aruba padilanti. Awor partido MEP ta cla pa sigui goberna Pais Aruba pa trece stabilidad pa Pais Aruba , paso un Pais stabiel ta e felicidad di nos pueblo.