Lider di partido CURPA Erick Conrad Ras: Gobierno tin un Pac-man cu ta comiendo e placa

Lider di partido CURPA Erick Conrad Ras no ta mucho contento con tur cos ta canando na Aruba. Segun Conrad Ras gobierno ta un bari sin bom paso yen placa ta drenta, pero nan no sa unda e placa ta bay, of tin un Pac-man cu ta comiendo e placa. Segun Lider di CURPA e no sa mas di ki manera mira e situacion cu tin actual na Aruba y kico ta pasando.

Pa loke ta trata e BBO na frontera a anuncia cu ta ricibi 40 miyon, pero na e mes un momento ta duna di conoce cu den e proximo presupuesto ta aumenta nan debe. E pregunta ta keda te ki dia Pais Aruba ta bay stop di fia placa y cuminsa paga debe y baha e interes. Segun Lider di CURPA na e manera cu Aruba ta sigui aki den futuro nos lo no por paga ni nos interes mas, y esun cu ta bay sufri ta e pueblo unda cu mester bende e companianan Elmar, Setar,Web, Aeropuerto Ect ect pa por paga debe.

Si no bin cambio y no tin surplus den e presupuesto, Aruba ta den un problema grandi. Sinembargo sa tambe cu e gobierno actual no ta treciendo ningun cambio y for di dia nan a sinta 6 aña pasa te dia di awe ta medida tras di medida den lomba di pueblo.

Lider di partido CURPA Erick Conrad Ras ta duna di conoce cu na momento cu partido CURPA drenta gobierno lo e cuminsa na baha gasto. E patronchi politico cu ta tumando luga, fundacionnan cu ta wordo lanta y placanan cu ta bay end op den e fundacionnan aki y no tin un bista unda cu e placanan aki ta somenta, esaki ta un parti cu mester tene cuenta cu ne.
Aruba tabatin un economia den e ultimo 22 añanan como 23 biyon florin y di e suma aki gobierno a inverti solamente 560 miyon florin, pero e pregunta ta keda unda tur e otro placa a bay. Segun lider di CURPA unda e placa a bay ? ken a malgasta e placa aki ?, si berdaderamente tur e suma aki tabatey, awe Aruba no tin e debe ey y e hendenan na Aruba ta biba un bida hopi digno, pero lamentablemente no ta mire y tur caminda e situacion ta bayendo malo.

Tambe por mira cu e edificionan di gobierno no ta wordo manteni, careteranan ta den mal estado, situacion di bubali plas no ta den bon estado, y asina por keda menciona unda cu placa no ta yega.

Sinembargo banda di tur cos partido CURPA ta afilia hopi cu partido AVP, esaki a trece un color diferente pa partido CURPA, pero segun lider di partido CURPA Erick Conrad Ras, nan por a sinta cu partido AVP y por tin contacto cu partido AVP, pero esey no mester duna e indicacion cu partido CURPA ta afilia cu AVP.

Foto: Mental Floss

Click aki bao like y share