Mas informacion ta saliendo na luz di dia pa locual cu ta trata nos gobierno. A entrega un presupuesto ficticio y kier keha di Hulanda. Ta obvio cu tin un diferencia di opinion enorme entre e gobierno di Aruba y Hulanda. Nos gobierno awor kier hunga rol di victima y kier laga nos kere cu nan no ta Hulanda, esta un mal partner den Reino, pero nos pueblo sa cu nan no ta mihor cu Hulanda tampoco.
Con bo kier papia di un presupuesto cu un surplus mientras fiesta ta sigui y ta crea mas debe. E aña aki so ya gobierno a fia mas cu 413 miyon florin. Prome biaha a fia 165 miyon florin y locual cu pais Aruba lo paga ta bay ta 96.5 miyon florin na interes.
E di dos prestamo ta di 160 miyon florin y locual cu pais Aruba lo bay paga na interes ta 135 miyon florin pa motibo di e periodo di pago. E di tres prestamo ta di 88 miyon florin cu lo costa pais Aruba na interes di 45.7 miyon florin.
Nos ta papia di un total di 277 miyon florin na interes. Biba MEP. Fuera di esey un hende lo cobra un interes di 0.625% cu lo sali 2.6 miyon florin y tambe 5 miyon florin lo bay na gastonan di administration.
Partido mep ta trahado duro pero no na interes di pueblo di Aruba sino na nan mes un interes. Pueblo lo saca su conclucion. Gobierno di partido mep ta prefera di laga nos grandinan pasa hamber, paga pa nan remedinan, paga un gasoline caro y mas halto cu otro islanan di Caribe Hulandes, ta saca dividendo y no ta worry cu pueblo mester paga un prijs halto pa awa y elecricidad, no ta worry cu esnan sin trabao y laga nos mucha keda sin bay scol paso schoolgeld ta inpagabel. Laga e planta di purificacion na Bubali plas sigui manda awa sushi lama pero basta por sigui fiesta, biaha y core den auto di luho cu nan mes lo no por paga. Esaki ta e gobierno comunista cu nos tin.
Nos di partido Curpa ta kere cu papa Dios a kita su pyjama y e tin e zweep den su man. Gobierno a suta pueblo cu medida y ta yega tempo pa gobierno recohe lo cual cu nan a sembra. Gobierno su titanic a sink caba y awor ta esnan cu por,mester mira con nan lo salba. Gobierno su kaarchi bingo a muha. Unico alternativa ta partido Curpa.