Lider di partido Accion 21 Minguel Mansur ta hopi contento y agradecido riba e resultado di eleccion 2021 cu e pueblo di Aruba a deposita e confiansa den partido Accion 21. Segun lider di Accion 21 nan a analisa e resultadonan y pa prome biaha un tercera parti di nos poblacion a vota contra di e dos partido grandi , pero nos sistema anticua di ley no ta facilita e partimento husto di asiento.
Segun lider di Accion e prome restzetel lo mester a bay pa RAIZ di dos pa MAS di tres pa PPA di 4 RED y e di 5 pa AVP . Asina aki lo tabatin un parlamento diferente cu ta di 7,7 2,2,1,1,1 y esey ta loke cu pueblo a vota pe segun lider di Accion 21. Realmente tin 5 asiento cu a vota pafo di e dos partido nan grandi y sigur sigur mi persona y algun di e otro partidonan lo haci tur nos esfuerso pa representa tur e votonan ey mirando cu un tercera parti di persona cu no a vota pa un di e partidonan tradicional.
Lider di partido Accion 21 ta duna di conoce cu na e momentonan aki e reto di mas grandi ta con lo mester uni e pais debi cu e retonan di Aruba no a cambia. Pa e motibo aki mes ta mira con mas amplio posibel pa sinta na mesa. Sinembargo como partido Accion 21 no lo sostene un gobierno di 12 of menos asiento.
Realmente pueblo no a duna e mandato pa un gobierno di 12 asiento pero e mester ta mas amplio cu esey. Partido Accion 21 a campaña pa un gabinete di unidad nacional cu ta inclui tur partido y esey ta e preferencia di partido Accion 21. Lider di accion 21 ta kere cu mester pone politica un banda y na unda cu mester enfoca riba pueblo y e retonan di pais Aruba unda cu nos tur conhuntamente por bay dilanti.
Segun lider di accion 21 tin un reconteo di votonan invalido y kisas ainda por para riba 8,8,2,1 unda cu lo por apoya un gobierno di mesnos cu 12 asiento unda cu ta keda bek na un gabinete di unidad nacional na un sistema di vak ministers unda cu tur partido ta bay parlamento.
Dos cos historico a pasa cu e eleccion ultimo, e prome ta cu tin un caminda cu nos por haya un gobierno cu 14 asiento cu lo ta prome biaha den nos historia y cu lo ta un gobierno cu lo tin e capacidad tambe pa cambia e staatsregeling. Sinembargo tambe por tin un gobierno di 11 /10 cu lo ta prome biaha den historia cu den parlamento lo tin tres miembro independiente di coalicion of oposicion cu por bin cu actonan di ley.
Lider di partido Accion 21 ta kere cu e dos puntonan aki ta dos punto cu e pueblo a bin ta pidi pe cu ta politico pa modernisa nos pais tuma accion y trece solucionnan cu ta loke cu e votadonan a pidi. Lider di Accion 21 ta duna di conoce cu e la combersa cu sra marisol lopez tromp pa asina forma un bloke di 5 pa asina cera e un tercera parti di un poblacion cu no un representacion digno y husto den parlamento.
Sinembargo ta spera cu por combersa cu lider di RAIZ den e dia nan aki. Otro siman diabierna parlamento lo huramenta y tin e posibilidad pa huramenta un presidente di parlamento cu no ta di ningun di e dos partidonan grandi y esey lo ta un bon prome reto pa e bloke di 5 . Si esaki bira realidad esaki lo marca historia tambe unda cu pa prome biaha lo no tin un presidente di parlamento cu ta sea di partido MEP of AVP. Sinembargo lider di Accion 21 ta feliz pa drenta parlamento y esey lo ta e posibilidad mas grandi y lo tuma experiencia y asina sigui drenta den e ramo politico na Aruba.
Lider di partido Accion 21 Minguel mansur : A campaña pa un gabinete di unidad nacional cu ta inclui tur partido
